Konferensııa Mádenıet jáne aqparat mınıstrliginiń, Ulttyq mýzeıdiń, Qazaqstan Qarýly kúshteriniń ardagerleri respýblıkalyq qoǵamdyq uıymy jáne Atamnyn amanaty qoǵamdyq birlestiginiń bastamasymen uıymdastyryldy.
Pikirtalas alańyna kúsh qurylymdarynyń, murajaılardyń, áskerı joǵary oqý oryndarynyń, ardagerler qaýymdastyǵynyń jáne qoǵamdyq uıymdardyń ókilderi, sondaı-aq Ulttyq ulan ardagerleri shaqyryldy.
Forýmda quqyqtyq tártip áskeri atynan Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary, Halyq qaharmany general-maıor Qaırat Úmbetov quttyqtaý sóz sóıledi. Ol ashyq dıalogtyń mańyzdylyǵyna toqtalyp, birlesken jumystyń oń nátıje beretinin atap ótti jáne patrıottyq tárbıeni damytýǵa baǵyttalǵan bastamalarǵa qoldaý bildirdi.
«Basqosý aıasynda biz tarıhı jadyny saqtaýǵa, urpaqtar sabaqtastyǵyn nyǵaıtýǵa jáne jastardy patrıottyq tárbıeleýge arnalǵan negizgi máselelerdi talqyladyq», - deıdi Atamnyn amanaty basqarmasynyń tóraǵasy Murat Moldaǵalıev.
Konferensııa sheńberinde áskerı-tarıhı jańǵyrý men bilim berý baǵytyndaǵy formatıkanyń úılesimdi ádisteri, áskerı qyzmetshilerdi habar-osharsyz ketti dep taný jónindegi Qazaqstan Respýblıkasy zańnamasynyń ózekti aspektileri, soǵys jyldaryndaǵy qazaqstandyq jaýyngerlerdiń taǵdyryn muraǵattyq izdestirý praktıkasy máseleleri kóterildi.
Uıymdastyrýshylar bul baǵyttaǵy júıeli jumys urpaqtar arasyndaǵy baılanysty nyǵaıtýǵa, jastardyń el tarıhyna degen qyzyǵýshylyǵyn arttyrýǵa jáne onyń bolashaǵyna jaýapkershilikpen qaraýdy qalyptastyrýǵa múmkindik beretinine senim bildirdi.
