Vedomstvo Ýkraına tarapynan jasalǵan árekettiń eshqaısysy Qazaqstanǵa nemese basqa úshinshi memleketterge qarsy baǵyttalmaǵanyn atap ótti.
«Ýkraına Kaspıı qubyr konsorsıýmynyń ınfraqurylymyna qatysty Qazaqstan Respýblıkasynyń alańdaýshylyǵyn nazarǵa aldy. Ýkraın tarapynan jasalyp jatqan eshqandaı áreket Qazaqstanǵa nemese ózge úshinshi taraptarǵa baǵyttalmaǵanyn atap ótemiz. Ýkraına barlyq kúsh-jigerin BUU Jarǵysynyń 51-babynda bekitilgen ózin-ózi qorǵaý quqyǵyn iske asyrý aıasynda Reseıdiń keń aýqymdy agressııasyna toıtarys berýge jumyldyryp otyr», delingen Ýkraına SIM habarlamasynda.
Mınıstrlik birneshe ret Qara teńiz aımaǵyndaǵy turaqsyzdyqtyń negizgi sebebi Reseı agressııasy ekenin basa atap ótti.
«Qazaq halqyna degen ózgermes qurmetimizdi jáne Qazaqstan Respýblıkasymen tarıhı jaǵynan qalyptasqan dostyq ári pragmatıkalyq qarym-qatynasty odan ári damytýǵa nıetti ekenimizdi rastaımyz», delingen málimdemede.
Eske salaıyq, buǵan deıin Syrtqy ister mınıstrliginiń resmı ókili Aıbek Smadııarov Kaspıı qubyr konsorsıýmyna jasalǵan shabýylǵa qatysty málimdeme jasaǵan bolatyn.
