Foto: freepik.com
Egde saıahatshylardyń sany artqan
Qosymsha serpinniń bolý sebebi – orta jastaǵy jáne egde azamattardyń saqtandyrýǵa degen qyzyǵýshylyǵy artýymen baılanysty, sebebi olardyń shetelge saıahattary joǵary medısınalyq táýekeldermen qatar júredi. Naryqta eń iri úlesti medısınalyq saqtandyrý men jazataıym jaǵdaılardan saqtandyrý alady. Bul segmenttiń kúsheıýi – egde jastaǵy saıahatshylar sanynyń artýyna jáne keshendi polısterge suranystyń ósýine baılanysty bolyp otyr. Aıta ketý kerek: týrıstik saqtandyrýdy eń belsendi qoldanatyndar – egde adamdar.
2024 jyly dıstrıbýsııa arnalary arasynda eń úlken úles saqtandyrý kompanııalaryna tıesili boldy jáne sarapshylar olardyń kóshbasshylyǵy saqtalady dep boljaıdy. Bul – polısterdi resmı, túsinikti sharttarmen usynatyn senimdi derekkózderge suranyspen túsindiriledi.
Aımaqtyq bóliniste 2024 jyly Eýropa 35,1% úlespen kósh bastady. Al Azııa-Tynyq muhıty óńiri aldaǵy jyldary eń jyldam ósetin aımaq bolady dep kútilip otyr.
Qazaqstandaǵy týrıstik saqtandyrý naryǵy
Qazaqstanda týrıstik saqtandyrý syılyqaqylarynyń kólemi ósip keledi. 2025 jyldyń qańtar-qazan aılarynda týrıstik saqtandyrý boıynsha saqtandyrý syılyqaqylary 15,6% ósip, 11,8 mlrd teńgege jetken. 2024 jyly kórsetkish 6,6% ósken edi.
Sonymen qatar bul segmenttiń jalpy saqtandyrý naryǵyndaǵy úlesi eki jyl qatarynan 0,8% bolyp otyr. 2022-2023 jyldary onyń úlesi 1-1,1% deńgeıinde bolǵan. Eń tómen úles (0,5%) pandemııa kezeńine (2020 jyl) sáıkes keledi.
Mindetti týrısterdi saqtandyrý
Mindetti saqtandyrý naryqta basym úleske ıe: 2025 jyldyń qańtar–qazan aılarynda bul segment boıynsha syılyqaqylar 7,6 mlrd teńge boldy – bul ótken jylmen salystyrǵanda 18,6% kóp.
Mindetti saqtandyrýmen bar-joǵy 4 kompanııa aınalysady, jáne olardyń bireýi segmenttiń 76,1% úlesin ıelenedi. Aıta ketý kerek, mindetti saqtandyrý tek týrpaket quramyndaǵy, týragenttik arqyly rásimdeletin saparlarǵa qatysty.
Erikti medısınalyq saqtandyrý
Shetelge shyǵýshylarǵa arnalǵan erikti medısınalyq saqtandyrý polısteri boıynsha syılyqaqylar 10,7% ósip, 4,2 mlrd teńgeni qurady.
Bul – shetelde aýrý, jaraqat, gospıtalızasııa, dári-dármek, evakýasııa nemese repatrıasııa shyǵyndaryn óteıtin saqtandyrý. Qazaqstannan shyǵý úshin mindetti emes, biraq kóptegen elder óz vızalyq talaptarynyń bóligi retinde osyndaı medısınalyq saqtandyrýdy suraıdy.
Bul segmentte 16 saqtandyrý kompanııasy jumys isteıdi, biraq naryqtyń basym bóligin nebári 3 kompanııa ıelenedi (76%+).
Saqtandyrý tólemderi
2025 jyldyń qańtar-qazan aılarynda týrıstik saqtandyrý boıynsha tólemder kólemi 88,8% ósip, 5,1 mlrd teńgege jetti. Onyń ishinde:
4,5 mlrd teńge – mindetti týrıstik saqtandyrý (jylyna 2 ese ósý),
614,5 mln teńge – erikti medısınalyq saqtandyrý (+27,5%).
Qorytyndy
Qazaqstandaǵy týrıstik saqtandyrý naryǵy ósip keledi, biraq segmenttiń úlesi áli de óte shaǵyn (1%). Naryqta joǵary shoǵyrlaný baıqalady: jınaqtalǵan syılyqaqylardyń basym bóligi 1-3 kompanııaǵa tıesili.
Sarapshylar atap ótkendeı, Qazaqstannyń saqtandyrý kompanııalaryna egde jastaǵy saıahatshylar segmentine erekshe nazar aýdarý qajet, óıtkeni olardyń sheteldegi medısınalyq táýekelderi joǵary jáne saqtandyrýǵa degen suranysy da turaqty.
