Fotolar: dimashnews
Ánshi kórermenderge jyly lebizin bildirdi.
«Qosh keldińizder, bizdiń shoýymyzǵa kelgenderińiz úshin kóp raqmet, baǵaly ýaqyttaryńyzdy bólgenderińizge alǵys aıtamyn», dedi ol.
Dimashnews saıtynyń jazýynsha ejelgi mıfter men tylsym tarıhqa toly pıramıdalar keshki sıqyrly jaryqta erekshe atmosfera jasap, ár ánge bólek bir oqıǵa syılady. Ár týyndyda Dımash shaǵyn spektakldegi basty keıipkerge aınaldy: Fire jáne Smoke kompozısııalarynda harızmatıkalyq jigit, «Lıýbov ýstavshıh lebedeı» áninde – shynaıy sezimniń ne ekenin biletin er adam, al When I`ve Got You jáne SOS d’un terrien en détresse shyǵarmalarynda – ómirdegi eń qymbatty baǵalaı biletin tulǵa retinde kórindi.
Soltústik, ońtústik, shyǵys jáne batysqa dál baǵyttalǵan pıramıdalar qyrlary sııaqty, ol da talantynyń barlyq qyryn ashty. Sahnada klassıkalyq Olympico men Ave Maria-dan bastap, energııalyq Be with me jáne Give me your love kompozısııalaryn da oryndady. Al arab túninde qazaqtyń ulttyq aspaptary – dombyra, qobyz jáne sybyzǵynyń úni Stranger, «Adaı» kúıi jáne «Taý ishinde», «Dúrdaraz», Let it be ánderindegi ulttyq sazben erekshe úılesip, kórermenge sıqyrly áser syılady.
Kórermender de ártisti shyn júrekten qoldady – birge án aıtyp, bılep, Qazaqstannan kelgen jyly sálemderdi qýana qabyldap, óz tarapynan da emosııamen bólisti. Ásirese «Umytylmas kún» jáne «Mahabbat ber maǵan» ánderi kezinde telefon jaryqtary janyp, pıramıdalar panoramasyna sansyz juldyzdaı ásem kórinis berdi.
Dımash ta kórermendi konserttiń basynan sońyna deıin bir sátke de bosatpady. Fınalda zalǵa úshinshi ret túsip, Weekend ánin bıske oryndap, shoýǵa núkte emes, alda áli talaı kezdesý men konsert bolatynyn meńzeıtin jarqyn kópnúkte qoıdy.
