Oblystyq polısııa departamentiniń aǵa ınspektory Dýlat Orazǵalıevtiń málimetine súıensek, tórt túlikti qaraýsyz jibergen turǵyndar Ákimshilik quqyq buzýshylyq týraly kodeksiniń 408-babymen jaýapkershilikke tartylady.
«Byltyr Atyraý oblysynda úı janýarlaryn baǵý qaǵıdatyn buzǵandarǵa 554 hattama toltyrylǵan edi. Al bıyl zań talabyn saqtamandarǵa 790 ákimshilik hattama toltyryldy. Qaraýsyz júrgen maldyń kesirinen ózge tulǵalardyń múlkine zalal keltirilse, ıeleri ákimshilik jaýapkershilikke tartylady. Shyǵyndy tolyq kólemde óteıdi», deıdi Dýlat Orazǵaıev.
Onyń aıtýyna qaraǵanda, polıseıler kún saıyn qaraýsyz maldy anyqtaý úshin beınebaqylaý quraldary men drondy paıdalanady. Turǵyndardyń habary nazarǵa alynady. Sondaı-aq, «Belsendi azamattar 06» Telegram chatyna túsken shaǵymdarǵa monıtorıng júrgiziledi.
