Ýákildiń aıtýynsha, oǵan azamattardan blogerdiń balalardy qorlaıtyn ári kemsitetin málimdemelerine qatysty kóptegen shaǵymdar kelip túsken.
«Dıskrımınasııaǵa jol berilmeıdi. Qorlaǵany úshin qylmystyq jaýapkershilik qarastyrylǵan», dedi Dınara Zakıeva Instagram-daǵy paraqshasynda.
Onyń málimetinshe, qazirgi ýaqytta IIM atalǵan jaǵdaıǵa quqyqtyq baǵa berý úshin zertteý júrgizip jatyr.
Ýákil jarııalaǵan skrınshotta vedomstvo ókilderi blogerdiń sózine baılanysty prosessýaldyq sheshim qabyldaý úshin materıaldardy tekserip jatqanyn rastaǵan.
Aryzǵa sebep bolǵan vıdeoda bloger erekshe qajettilikteri bar balalardyń dúnıege kelýin, aýtızm men onkologııalyq aýrýlardy «blýdpen», «rýhanı zańdylyqtarmen» jáne «tabıǵattyń jazasymen» baılanystyrǵan. Bul rolık áleýmettik jelilerde keń taralyp, ata-analardyń qatty narazylyǵyn týdyrdy. Kópshilik bul málimdemelerdi kemsitýshilik ári qorlaıtyn áreket dep sanaıdy.
