Úılesimdi jumys júrgizý qajettigine nazar aýdardy

Memleket basshysy Nursultan Nazarbaev «Nur Otan» partııasy Saıası keńesiniń Bıýro otyrysyna qatysty.

Otyrys barysynda Elbasy úlken jumys atqarǵany úshin Baýyrjan Baıbekke alǵys aıtty jáne partııa Tóraǵasynyń jańa birinshi orynbasary Asqar Myrzahmetovti tanystyrdy. Prezıdent «Nur Otan» partııasy músheleriniń yntymaqty jumysy arqasynda onyń saılaýaldy tuǵyrnamasynyń 70 paıyzy oryndalǵanyn, basqa baǵyttar boıynsha belsendi jumys júrgizilip jatqanyn atap ótti. Parlamenttegi fraksııa biz júzege asyryp jatqan barlyq baǵdarlamalardy zańnamalyq turǵydan nyǵaıtýdy qamtamasyz etip otyr. Partııa azamattyq qo­ǵam­men keń aýqymdy dıalogty jolǵa qoıdy. Onyń bastamasymen qu­ryl­ǵan «Qazaqstan-2050»  jal­pyulttyq demokratııalyq kúsh­ter koalısııasy bizdiń qoǵamdy uıys­tyratyn alańǵa aınaldy, bul ju­mysty jalǵastyrý qajet. Par­tııanyń qoǵamdyq qabyl­daýlary  halyqpen baılanysty tıimdi qamtamasyz etýde. In­ternettegi, sonyń ishinde, alǵash ret engizilgen «elek­tron­dy partııa» arqyly jumys kú­sheıdi. Sondaı-aq, «Jas Otan» jas­tar qanatynyń jańa baǵdar­la­masynyń qabyldanýymen birge jastarmen jumys jańa sapaly deńgeıge shyqty, – dedi Nursultan Nazarbaev. Memleket basshysy birtindep ortalyqsyzdandyrý jáne óki­lettikterdi jergilikti jerlerge berý jaǵdaıynda partııanyń óńirlerdi basqarý tájirıbesi bar kadrlarǵa zárýligi arta túsetinin atady. Sonymen qatar, Prezıdent qazirgi ýaqytta jetekshi ári búkil halyq aldyndaǵy jaýapty saıası kúsh retinde «Nur Otan» partııasynyń aldynda  asa mańyzdy mindetter turǵanyn aıtty. Sonyń birinshisi – qazaq­standyqtardy bes ınstı­týt­tyq reformany jáne «100 naqty qadam» Ult josparyn júzege asy­rýǵa jumyldyrý bolyp tabylady. Jańǵyrtý jumystary kúrdeli jaǵdaıda ótip jatyr. Bizdiń eksporttyq taýarlarymyzdyń baǵasy aıtarlyqtaı tómendep, bıýdjet aqshasy azaıýda. Son­dyqtan men Úkimetke jáne ákim­derge halyq aldyndaǵy barlyq áleýmettik mindettemelerdi oryn­daýǵa bıýdjette qajetti qarajat bolýyn qamtamasyz etý úshin qarjyny qatań únemdeýdi tapsyrdym. El arasynda da tıisti túsindirý jumystaryn júrgizgen jón, – dep atap ótti Nursultan Nazarbaev. Sondaı-aq, Prezıdent «Nur­ly Jol» baǵdarlamasynyń júzege asyrylý barysyn tıimdi baqylaýdy qamtamasyz etýdi tapsyrdy. Biz qabyldaǵan osy jáne basqa baǵdarlamalar der kezinde jasalǵan, ony túsindirý qajet.  «Nurly Jol» baǵdarlamasyn júzege asyrýǵa keıbir iri kásip­oryndardan bosaýǵa májbúr bolǵan adamdardy tartý kerek. Bul barsha ákimderdiń mindeti, buǵan qajetti aqsha bólingen, barlyq jerde avtomobıl joldaryn, aýrýhana, mektep, baspana, TKSh nysandaryn jóndeý jáne salýdy qamtıtyn jumystar barshylyq, – dedi Memleket basshysy. Nursultan Nazarbaev partııa­nyń qoǵamdaǵy birlik pen kelisimdi saqtaýǵa yqpal etip, barlyq týyndaıtyn máseleler boıynsha halyqpen belsendi jumys isteýi tıistigine nazar aýdardy. Sonymen birge, Prezıdent partııaǵa kelesi jyly bolatyn jáne kúrdeli ekonomıkalyq jaǵ­daıda ótetin Parlament saılaýy naýqanyna daıyndyqty qazirden bastaý kerektigin atap ótti. Otyrys sońynda Memleket basshysy Prezıdent Ákimshiligi, Úkimet, «Nur Otan» jáne onyń Parlamenttegi fraksııasynyń úılesimdi jumys júrgizýi qajet­tigin ataı kelip, A.Myrzahmetovke belsene jumys isteý kerektigin aıtty. Álısultan QULANBAI, «Egemen Qazaqstan».