foto: DSM baspasóz qyzmeti
Densaýlyq saqtaý mınıstrligi habarlaǵandaı, jedel járdemge jedeldiliktiń birinshi sanaty boıynsha túsken qońyraýlar sany 356 myńnan asty, bul ótken jylǵy kórsetkishten 0,5%-ǵa kóp. Ekinshi sanattaǵy shaqyrtýlar 1,8%-ǵa ósip, 2,1 mıllıonnan astam shaqyrtýdy qurady. Úshinshi sanattaǵy shaqyrtýlardyń úlesi ózgerissiz qalyp, esepti kezeńde 1,9 mıllıonnan sál asqan. Al tórtinshi sanattaǵy shuǵyl áreket etýdi talap etpeıtin shaqyrtýlardyń úlesi azaıdy.
Bıyl emhanalar janyndaǵy mobıldi brıgadalarǵa túsken tórtinshi sanattaǵy shaqyrtýlar sany 1,08 mıllıon boldy, bul ótken jylmen salystyrǵanda 23,2%-ǵa az. Sonymen qatar, jedel járdem stansııalarynyń brıgadalary tórtinshi sanat boıynsha 1 183 590 shaqyrtýdy oryndady.
Eske sala keteıik, tórtinshi deńgeıdegi (tómen shuǵyldyqtaǵy) shaqyrtýlarǵa Medısınalyq-sanıtarlyq alǵashqy kómek kórsetý (MSAK) uıymdarynyń janyndaǵy mobıldi brıgadalar jumys kúnderi saǵat 8:00-den 20:00-ge deıin qyzmet kórsetedi. Qalǵan ýaqytta mundaı shaqyrtýlardy jedel medısınalyq járdem stansııalarynyń brıgadalary oryndaıdy.
«Respýblıka boıynsha jedel járdem qyzmeti 20 derbes stansııadan, 96 qalalyq qosalqy stansııadan jáne 212 aýdandyq bólimsheden turady. Olardyń quramynda 1 618 shuǵyl shyǵý brıgadalary jumys isteıdi. Onyń 258-i (16%) mamandandyrylǵan dárigerlik brıgadalar, al 1 360-y (84%) feldsherlik brıgadalar», dep naqtylady mınıstrlik.
Qalalyq bólimshelerde 999 brıgada, aýdandyq bólimshelerde 619 brıgada qyzmet kórsetedi. Sonymen birge, tórtinshi sanattaǵy shaqyrtýlarǵa qyzmet kórsetý úshin MSAK uıymdarynyń janynan qosymsha 580 mobıldi brıgada jumyldyrylǵan.
