Is-sharalar tórt kezeńnen turdy. Birinshi kezeń aıasynda belsendiler men úkimettik emes uıymdardyń ókilderine arnalǵan vorkshop uıymdastyryldy.
Spıkerler qoǵamdyq uıymdardyń óz bastamalaryn kúsheıtý úshin memleketpen jáne qoǵammen qalaı ózara árekettesý kerek ekenin túsindirdi. ÚEU men memlekettik organdardyń ókilderi ortaq máselelerdi talqylap, damý núktelerin aıqyndady.
Ekinshi kezeń praktıkalyq bólim boldy jáne naqty keısterge arnaldy.
Qatysýshylar áleýmettik jobalardyń mysaldaryn taldap, olardyń keńeıýine kedergi keltiretin faktorlardy atap ótti. Sonymen qatar óz ıdeıalaryn usyndy.
Odan keıin Turaqty damý maqsattary kontekstinde ózekti áleýmettik máselelerdi sheshýge baǵyttalǵan jańa ıdeıalardy qoǵam talqylaýy ótti.
Qorytyndy bólimde «Astanada Turaqty damý maqsattaryna qol jetkizý jáne iske asyrý» jobasynyń nátıjeleri talqylanǵan dóńgelek ústel uıymdastyryldy.
«Men Astanada kúmis volontermin. Búgingi kezdesý taqyryby óte ózekti ári qyzyqty. Bul baǵytpen men kópten beri aınalysyp kelemin. Meniń mindetim – búgin alǵan barlyq aqparatty bizdiń kúmis volonterlerimiz ben ýnıversıtettiń múshelerine jetkizý. Biz mundaı is-sharalarǵa alǵash ret qatysyp otyrǵan joqpyz. Usynylǵan baǵyttardy qarap, ózimizge qolaılysyna belsendi túrde atsalysýǵa tyrysamyz. Árbir azamat ózi qatysa alatyn jáne qatysqysy keletin ekologııalyq baǵytty tabýy kerek dep oılaımyn. Turaqty damý maqsattaryn iske asyrýǵa arnalǵan osyndaı is-sharalar dál osyǵan yqpal etedi. Bul – durys jol dep sanaımyn», dedi «Úzdiksiz bilim berý» qorynyń dırektory Gúlbarshyn Qasymanova.
Bul kúnniń ereksheligi – bir ústel basyna ár býyn men ártúrli salanyń ókilderi jınaldy. Árqaısysynyń aıtary boldy.
