О́te az salmaqta týǵan sábıdiń alǵashqy 56 kúni jan saqtaý bóliminde dárigerlerdiń jiti baqylaýynda ótti. Aq jeleńdiler 75 kún boıy balanyń ómiri úshin kúresip, zamanaýı medısınalyq tehnologııalar men dárilik preparattardy qoldandy. Qazirgi tańda sábı 2350 gramm salmaqta úıine shyǵaryldy.
– Az salmaqta týǵan balalardyń ómirin saqtaýda ana men dárigerlerdiń qanshama uıqysyz túnderi men ýaıymy bar. Biz úshin árbir balanyń aman qalýy – úlken jeńis. Shala jáne óte az salmaqta týǵan balalardy emdeýde joǵary tehnologııalyq jabdyqtar men zamanaýı dári-dármekter qoldanylady. Barlyq medısınalyq kómek MÁMS júıesi arqyly kórsetiledi, – deıdi qalalyq perınataldyq ortalyqtyń dáriger-neonatology Sapargúl Qojabaeva.
Dárigerdiń aıtýynsha, jyl basynan beri ortalyqta 38 shaqalaq óte tómen salmaqta dúnıege kelgen. Mundaı sábılerdiń ómirin saqtaý tek kásibı biliktilik pen zamanaýı medısınalyq quraldardyń arqasynda múmkin.
