Sýret ashyq derekkózden alyndy
Tájirıbege 18–40 jas aralyǵyndaǵy birneshe erikti qatysqan. Birinshi top álemdik sýret óneriniń shedevrlerin túpnusqa kúıinde tamashalady. Al ekinshi top dál sol kartınalardyń kóshirmesin kórip otyrdy. Zertteý barysynda qatysýshylardyń júrek soǵysy, dene temperatýrasy jáne silekeı quramyndaǵy kórsetkishter baqylaýǵa alynǵan. Nátıjesinde, túpnusqany kórgen adamdardyń stress gormony 22 paıyzǵa tómendegen. Al kóshirmeni kórgenderde bul kórsetkish bar bolǵany 8-aq paıyz. Ǵalymdardyń aıtýynsha, mundaı áser júrek-qan tamyr júıesine, kúızelis deńgeıine jáne psıhıkalyq saýlyqqa oń yqpal etip, keı aýrýlardyń aldyn alýǵa da kómektesýi múmkin.
