Sýretti túsirgen – Erlan OMAR, «EQ»
Sol turǵyda memlekettik granttar – jas kásipkerlerge qarjylaı qoldaý kórsetýdiń tıimdi tetigi. Túrli baǵdarlamalar, júıeli túrde berilip otyratyn qaıtarymsyz nesıeler jastardyń bıznes bastamalaryn júzege asyrýǵa múmkindik týdyryp, eldegi kásipkerlik mádenıetti nyǵaıtýǵa jol ashady. Talapty jastar granttar arqyly kásibiniń órisin keńeıtedi, startap, IT, ekologııa, áleýmettik kásipkerlik sııaqty jańa baǵyttarda jumys júrgizýge talpynady.
Qarjylaı kómek alý maqsatynda bıznes-jospar quryp, josparlaý, esep júrgizý, naryqty zertteý sekildi daǵdylardy meńgeredi. Aýyldyq jerlerdegi jastarǵa da mal sharýashylyǵy, qolóner, aýyl týrızmi syndy salalarda kásibin ashýǵa múmkindik týady. Kásipker jastar el ekonomıkasyna úles qosady, jańa ónim men qyzmet túrlerin shyǵarady. Bir sózben, memlekettik granttar – jastardyń armandaryn naqty iske aınaldyratyn qural. Ol arqyly belsendi, kásipqor, tabysty jas býyn qalyptasady. Bul – elimizdiń bolashaǵyna salynǵan ınvestısııa. Búginde memlekettik qarjylaı qoldaý arqyly kásibin keńeıtip, sharýasyn shalqytyp otyrǵan jas kásipkerler kóp.
