Foto: sportilinet.kz
«Qazaq Style» komandasy VADA-nyń birinshi alǵan analızderi taza shyqqanyna qaramastan ekinshi tekserýde kinárat tabylǵanyna tańǵalyp otyrǵanyn jetkizdi. Sondaı-aq jekpe-jek ótkizilmeıtinin resmı túrde jarııalady.
«Bul jańalyqqa biz qalaı tańǵalsaq kóp jankúıer de solaı ań-tań bolǵanyn bilemiz. Olardyń da kóńil kúıleri túskenin sezip otyrmyz. О́ıtkeni taqym qysyp tileýles bolyp otyrǵan aǵaıyn óte kóp. Asyǵa kútken jekpe-jek ótpeıtin boldy», delingen «Qazaq style» team taratqan habarlamada.
Sondaı-aq Jánibek Álimhanulynyń komandasy qaıta analız tapsyrýǵa ótinish bergen.
«VADA-nyń birinshi alǵan analızderi taza degen habar kelgen bolatyn. Al ekinshi analızde daýly másele bar degen habar jetti. Eki analız arasynda tamaqqa, vıtamınge de eshqandaı ózgeris jasamadyq. Bul qalaı bolǵanyn túsinbeı otyrmyz. Qazir menedjerler men zańgerler jumys istep jatyr. Qaıta analız tapsyrsaq degen ótinishti aıttyq. Eski analızdiń ekinshi nusqasyn da teksertý boıynsha jumystar júrgizilip jatyr. Mamandardan habar kútýdemiz», delingen habarlamada.
Úlken sportta ártúrli qıyndyq bolatynyn eskertken komanda bul máseleni de eńseretinine senim bildirgen.
Aıta keteıik, el boksshysy 12 qarasha kúni dopıng synamasyn tapsyrǵan edi.
Al WBO Jánibek Álimhanulynyń dopıng daýyna qatysty tekseristi bastady.
