foto: threads.com/@aigulyelemes
Aqmaral Álnazarova óziniń boryshyn oryndaǵanyn aıtyp, eshkimniń aldynda aqtalýǵa mindetti emes ekenin jetkizdi.
«О́kinishke qaraı, halyqta kúmán boldy. Biraq bul meniń alǵash ret kómek kórsetýim emes. Bul joly tek bireý ony áleýmettik jelige júktep jiberdi. Kómek shynymen kórsetildi. «Aralaryńyzda dáriger bar ma? Adamnyń qan qysymy túsip ketti» degende, men dereý baryp kómektestim. Meniń ornymda kez kelgen dáriger, kez kelgen medısına qyzmetkeri dál solaı jasar edi, oǵan senimdimin. Sondyqtan qandaı da bir kúdikke nemese suraqqa sebep kórip turǵan joqpyn», dedi Aqmaral Álnazarova.
Mınıstrge «bul vıdeony pıar maqsatynda túsirgen joq pa?» degen suraq ta qoıyldy.
«Ár adamnyń pikiri bolady. Men árkimniń kózqarasyna yqpal ete almaımyn. Eń bastysy óz boryshymdy oryndadym. Eshkimniń aldynda aqtalýǵa mindetti emespin», dep jaýap berdi mınıstr.
Eske sala keteıik, qarasha aıynyń sońynda Threads áleýmettik jelisiniń qoldanýshysy elordadan Almatyǵa baǵyt alǵan reıste bir jolaýshynyń jaǵdaıy nasharlaǵany týraly vıdeo jarııalaǵan. Al, ózin nashar sezingen jolaýshyǵa alǵashqy kómek kórsetken dáriger Densaýlyq saqtaý mınıstri ekeni belgili boldy.
Keıinirek ushaq bortynda ózin nashar sezingen jolaýshy jýrnalıst Gúlmıra Ábiqaı ekeni anyqtaldy. Ol óz kezeginde bul oqıǵanyń pıar úshin jasalmaǵanyn alǵa tartyp, kómek kórsetken barlyq janǵa alǵysyn bildirgen edi.
«Men dál osy reıste, ekonom klasta 17J orynda otyrǵan jolaýshy retinde densaýlyǵym kenet syr bergende shyn janashyr bolǵan barsha jaqsy jandarǵa alǵys aıtqym keledi», dedi ol.
