Foto: qazdauiri.kz
Ol bul usynys ádistemelik emes ulttyq bilim sapasy men ádildigin aıqyndaıtyn strategııalyq másele ekenine nazar aýdardy.
Bolat Kárimbek qoǵamda mektep baǵdarlamasyna ulttyq qundylyqtarǵa negizdelgen arnaıy pán engizý bastamasy da jıi kóteriletinin atap ótti.
Másele kótergen depýtat Oqý-aǵartý mınıstrine jalpy bilim baǵdarlamasyn oqýshylardyń jas erekshelikterine beıimdeý, oqý júktemesin ońtaılandyrýǵa qatysty qandaı jumystar atqarylyp jatqanyn jáne ulttyq qundylyqtarǵa negizdelgen arnaıy pán engizý jospary bar-joǵyn bilý úshin saýal qoıdy.
О́z kezeginde Oqý-aǵartý mınıstri Juldyz Súleımenova memlekettik jalpyǵa mindetti bilim standarty bekitilgenin, qazir aprobasııa júrgizilip jatqanyn jetkizdi.
«Aprobasııa nátıjesi jeltoqsan aıynyń sońynda jarııalanady. Sodan keıin bilim berý baǵdarlamalaryn bekitý isin bastaımyz. Qoǵamda bastaýysh synyptaǵy matematıka, lıngvıstıka, jaratylystaný pánderiniń mazmunyna qatysty oryndy usynystar bar. Biz bul máseleni sarapshy, ádiskerlermen birge talqylaımyz. Al ulttyq qundylyqtardy bir pán negizinde shekteýge bolmaıdy. Ol barlyq pán negizin qamtý kerek. Memleket basshysy aıqyndaǵan «Adal azamat» birtutas tárbıe baǵdarlamasynda bekitilgen qundylyqtardy barlyq pánge engizý jumystaryn júrgizip jatyrmyz», dedi Juldyz Súleımenova.
