Foto: kazfootball.kz
28 jastaǵy fýtbolshy «Qaırattyń» tarıhı jeńiske jetýine úles qosyp, Belarýs ulttyq quramasynyń sapynda da oń nátıjelerimen kózge túsken. Valerıı Gromyko atalǵan marapattyń qundy ekenin aıta otyra árdaıym janynda bolyp, qoldaǵan jandarǵa alǵys bildirdi.
«Bul - meniń kásibı mansabymdaǵy mańyzdy marapattardyń biri. Es bilgeli fýtboldy janyma serik etip kelemin. Sondyqtan ár marapat shabyttandyrady. Osyndaı jetistikke jetýime úles qosqan áriptesterime rızashylyǵymdy bildiremin. Sondaı-aq ata-anama alǵys aıtqym keledi. Olar meni fýtbol úıirmesine berip, osy sportta kózge túsýime qoldarynan kelgeniniń bárin jasady. Qıyn sátterde qasymnan tabylyp, árdaıym qoldaı bilgen ómirlik serigim, súıikti áıelime de raqmet aıtamyn», dedi Valerıı Gromyko.
Aıta keteıik, 9 jeltoqsan kúni «Qaırat» Chempıondar lıgasy aıasyndaǵy oıynyn Astanada Grekııanyń «Olımpıakos» komandasyna qarsy ótkizedi.
