Hakim Abaıdyń 180 jyldyǵyna oraı aqynnyń týǵan jeri – Abaı aýdanynyń Jıdebaı qoryǵy aýmaǵyndaǵy «TauKum» etno aýyl kesheninde uıymdastyrylǵan búrkitshiler básekesinde elimizdiń 9 oblysy men 3 qalasynan 70-ke jýyq búrkit, 14 ıtelgi men 15 qarshyǵa saıysqa tústi. Eki kúnge sozylǵan tartysty saıysta qumaı tazy jarysy da boldy.
Týrnırdiń ashylý saltanatynda Abaı aýdanynyń ákimi Meıirjan Smaǵulov qatysýshylarǵa sáttilik tiledi. Sonymen qatar Abaı oblysynyń dene shynyqtyrý jáne sport basqarmasynyń basshysy Baqyt Bekbosynov pen bas tóreshi, Respýblıkalyq qusbegilik federasııasynyń vıse-prezıdent, Baǵdat Múptekeqyzy salbýryn saıysynyń erekshelikterine toqtaldy.
«Bul is-sharanyń maqsaty – babadan mıras bolǵan saıatshylyq dástúrin jańǵyrtý, týrızm tartý, ulttyq sport túrlerin keńinen nasıhattaý jáne jas býynǵa bıik rýh pen tól mádenıettiń mánin jetkizý. Jarys birneshe kezeńnen turady, úzdik qusbegiler men tazy ıeleri anyqtalatyn bolady», dedi ol.
Osylaısha, ulttyq qundylyqtarymyzdy ulyqtap, salt-dástúrlerimizdi dáripteýge arnalǵan is-sharanyń jabylý saltanatyna oblys ákimi, Respýblıkalyq qusbegilik federasııasynyń prezıdenti Berik Ýálı qatysty. Shymkent qalasynyń mádenı kúnderi aıasynda oblysymyzǵa kelgen delegasııa ókilderi de óńir basshysymen birge saıystyń marapattaý rásiminde boldy.
Búrkitshiler saıysynda astanalyq Erasyl Serikbek Qarasholaq atty qusymen 1-oryndy ıelendi. Qarshyǵa básekesinde Jambyl oblysynan kelgen Berikbolsyn Babajan jeńimpaz atandy. Qusynyń aty – «Qanjar». Itelgi jarysynda Babajan Baqdáýlet «Qarakóz» atty qusymen jeńiske jetti. Al «Qumaı tazy» dodasynda Úrjar aýdanynyń qatysýshysy Rahat Aqyljanov top jardy.
Saltanatty jıynda dástúrli ánshi, jyrshy, Qazaqstannyń eńbek sińirgen qaıratkeri Aıgúl Elshibaeva, Qazaqstannyń mádenıet qaıratkeri О́mirqul Aınııazov óner kórsetip, ánnen shashý shashty.
Atalǵan is-shara aıasynda Japonııada ótken HHV Sýrdlımpıada oıyndarynda dzıýdodan qola medal ıelengen jerlesimiz Altynbek Kákitaevqa Abaı aýdany turǵyndary atynan avtokólik, jattyqtyrýshysyna sertıfıkat tabys etildi.
Abaı oblysy
