Úkimet • 04 Jeltoqsan, 2025

Úkimet Jezqazǵandaǵy sý máselesin sheshýge qomaqty qarjy bóldi

40 ret

kórsetildi

1 mın

oqý úshin

Úkimet rezervinen Ulytaý oblysynyń sýmen jabdyqtaý ınfraqurylymyn jańǵyrtýǵa 1,8 mlrd teńge bólindi. Tıisti qaýlyǵa Premer-mınıstr Oljas Bektenov qol qoıdy. Qarajat Jezqazǵan qalasynyń sharýashylyq-aýyz sý tazartý qurylystaryn rekonstrýksııalaýdy aıaqtaýǵa jumsalady, dep jazady Egemen.kz.

Dana MYRZAQADIR

Úkimet Jezqazǵandaǵy sý máselesin sheshýge qomaqty qarjy bóldi

Foto: egemen.kz/Erlan Omar

Qazir qalada jumys istep turǵan sharýashylyq-aýyz sý tazartý kesheni 1966 jyly paıdalanýǵa berilgen. Úkimet atalǵan nysannyń 90%-y tozǵanyn málimdedi.

Búginde onda uzyndyǵy 4 shaqyrym ınjenerlik jeliler (káriz, jylýmen jabdyqtaý, jaryqtandyrý) tartylyp, transformatorlyq qosalqy stansalar men taratý qurylǵylary salynǵan. Aýyz sýǵa arnalǵan 4 rezervýar rekonstrýksııalanyp, paıdalanýǵa berilgen.

Úkimet rezervinen bólingen qarajat nysannyń qurylys-montaj jumystaryn aıaqtap, belgilengen merzimde tolyq paıdalanýǵa berý baǵytynda jumsalady.

2024 jyldyń qorytyndysy boıynsha elimizde sapaly aýyz sýǵa qoljetimdilik qalalarda – 99,4%, aýyldyq eldi mekenderde – 98% kórsetkishke jetken.

100% kórsetkishke qol jetkizý úshin 2025 jyly Úkimet respýblıkalyq bıýdjet esebinen 257 jobany júzege asyrýǵa 105,7 mlrd teńge qarastyrǵan. Budan bólek, Arnaýly memlekettik qordyń qarajaty esebinen 229 jobany júzege asyrýǵa qosymsha 135,8 mlrd teńge bólingen.