Fotolar: Qorǵanys mınıstrligi
Buǵan deıin aldyńǵy rotasııa jumysynda 14 jedel tapsyrmany oryndaý barysynda saperler 500-den astam qaýipti zatty jáne 6 qoldan jasalǵan qurylǵyny joıǵan. Iаǵnı kórsetkish 2 ese artqan.
Injenerlik-saperlik top komandıri maıor Ernar Amantaıulynyń aıtýynsha, jarylmaǵan oq-dárilerdiń kóbi eldi mekender mańynan tabylǵandyqtan beıbit turǵyndardyń ómiri men densaýlyǵyna zor qaýip tóndiretini anyq.
«Qaýipti zattardyń ornalasqan jeri týraly aqparat BUU qyzmetkerlerinen, patrýl quramynan jáne keıde jergilikti turǵyndardan kelip túsedi. Habar túsken soń oqıǵa ornyna shyǵyp, baqylaý jasap, zattardy joıý kezinde týyndaıtyn yqtımal qaýipterdi baǵalaımyz. Barlyq is-qımyl ınfraqurylymǵa zııan keltirmeý maqsatynda júrgiziledi», dedi E.Amantaıuly.
Qorǵanys mınıstrliginiń málimetinshe, saperlerge kóbine artıllerııalyq jáne tank snarıadtarymen, tankige jáne jaıaý áskerge qarsy mınalarmen, drondardyń oqtumsyqtarymen, sondaı-aq qoldan jasalǵan jarylǵysh qurylǵylarmen jumys isteýge týra keledi eken. Bul zattardyń barlyǵy Sırııa aýmaǵyndaǵy qarýly qaqtyǵystardyń saldary, al mıssııanyń jaýapkershilik aýmaǵynda olardyń sany áli de jetip artylady.
Degenmen, otandyq kontıngenttiń kásibı jumysy beıbit turǵyndarǵa tónetin qaýip deńgeıin aıtarlyqtaı tómendetip, BUU jaýapkershilik aımaǵynda qaýipsizdikti nyǵaıtýǵa yqpal etip keledi.
