Foto: Ashyq derekkóz
Mınıstrliktiń málimetinshe, joǵary oqý oryndary beretin bilim týraly qujattardyń mazmuny men biregeı úlgisi bekitilip, ár dıplomǵa arnaıy serııa, QR-kod jáne qaıtalanbaıtyn nómir beriledi. Dıplomdardy qalyptastyrý «Joǵary bilim berýdiń biryńǵaı platformasy» arqyly avtomatty túrde júrgiziledi. Eger stýdent týraly aqparat bul júıede joq bolsa, dıplom nómiri generasııalanbaıdy.
QR-kod pen arnaıy nómiri joq qujattar jaramsyz dep tanylady. Ýnıversıtetterde bul júıege tek resmı tirkelgen qyzmetkerler ǵana qol jetkize alady.
Jalǵan dıplomdardyń jolyn kesý úshin Mádenıet jáne aqparat mınıstrligi men Ishki ister mınıstrligi ınternet keńistigin turaqty baqylaýda ustaıdy. Qylmystyq kodekstiń 385-babyna sáıkes jalǵan qujat jasaý nemese paıdalaný eki jylǵa deıingi bas bostandyǵynan aıyrýǵa deıin jazalanady.
Aıta keteıik, búginde 46 jalǵan dıplom men olardy daıyndaǵan 20 ınternet-resýrs anyqtalyp, materıaldar tıisti organdarǵa jiberilgen.
Sonymen qatar mınıstrlik joǵary oqý oryndarynyń derekterdi sıfrlandyrý jumystaryn jalǵastyryp jatqanyn habarlady. Al, jumys berýshiler dıplomnyń túpnusqalyǵyn epvo.kz qyzmeti arqyly onlaın teksere alady. Barlyq dıplomdardyń elektrondyq nusqasy «Sıfrlyq qujattar» mobıldi qosymshasynda da qoljetimdi.
