Foto: pixabay.com
Otandastarymyz Qyrǵyzstanda qansha kúnge deıin bola alady?
Jańa tártipke sáıkes, Qazaqstan azamattary Qyrǵyzstan aýmaǵynda jalpy alǵanda 90 kúnge deıin bola alady. Bul kúnder mindetti túrde qatarynan bolý shart emes – mysaly, elge kirip-shyǵyp júrgen jaǵdaıda da esepteledi. Sol sońǵy 6 aıdaǵy 90 kún tolyq jınalsa, elimizdiń turǵyndary atalǵan kórshi elge qaıtadan tek 3 aıdan soń ǵana kire alady.
Osylaısha, elge 3 aı buryn kirgen otandastarymyz úshin 1 jeltoqsanda bolýǵa ruqsat etilgen merzim aıaqtalǵan. Eger azamat Qyrǵyzstanda úzdiksiz tursa, alǵashqy 30 kún tirkeý qajet emes, odan keıin mindetti túrde tirkelýi tıis. Aıta ketsek, Qazaqstan azamaty tirkelgen jaǵdaıda, elde ózine qajet ýaqytqa deıin qala alady.
El azamattary Qyrǵyzstanda turaqty tura ala ma?
Qyrǵyzstan aýmaǵynda turaqty turý úshin Qazaqstan azamattarynda bolýy tıis zańdy negizder de bar. Olardyń qataryna «Qaırylman» mártebesi bar tulǵalar, yqtııarhaty bar azamattar, sondaı-aq Qyrǵyzstan qatysýshy bolyp tabylatyn halyqaralyq kelisimder sheńberinde elge kirýge quqyly tulǵalar kiredi. Birlesken kásiporyn qyzmetkerleri men stýdentterge ýaqytsha turýǵa ruqsat beriledi, bul da tirkeý túri, biraq elde uzaq bolýǵa múmkindik beredi.
90 kúndik merzimdi qajetti qujatsyz asyryp alǵan Qazaqstan turǵyndaryn arnaıy ustamaıdy. Mysaly, qyrǵyz shekarashylary mundaı azamattardy esh kedergisiz elden shyǵarady. Al 33 myń teńge kólemindegi aıyppul azamat basqa quqyq buzýshylyq úshin ustalyp, tekseris kezinde elde bolý erejesin buzǵany anyqtalsa ǵana salynady.
Erejelerdi buzǵan Qazaqstan azamattaryna qatysty jańalyq
24.kz-tiń habarlaýynsha, quqyq buzýshylyqty joıý úshin Qazaqstanǵa shyǵyp, 90 kúnnen keıin qaıta oralý qajet. Bul jaǵdaıda aıyppuldar qoldanylmaıdy. Alaıda Qyrǵyzstan Úkimeti bul máselege qatysty qosymsha sharalar daıyndap jatyr.
