Foto: dalatimes.kz
Arnaıy salyq rejımi jeke bızneske birqatar mańyzdy jeńildik usynady. Kásipker Jannur Momysh úshin eń bastysy – salyqtyń mınımaldy mólsherlemesiniń tómendeýi.
«Kásipkerlerdiń kóbi ǵımaratty satyp alý qymbat bolǵannan keıin ony jalǵa alýǵa májbúr. Buǵan qyzmetkerlerdiń jalaqysy men shıkizatqa ketetin shyǵyndary qosylady. Osy shyǵystardy alyp tastaǵanda tabys óte az qalady. Jańa jyldan bastap salyq kólemi azaıady. Bul biz úshin úlken qoldaý bolady dep oılaımyn», deıdi kásipker Jannur Momysh.
Kásipkerlik jáne ónerkásip basqarmasynyń bólim basshysy Máýe Seıdalıevanyń aıtýynsha, jergilikti ókiletti organdar salyq mólsherlemesin qyzmet túri men nysannyń ornalasýyna qaraı 50%-ǵa deıin kóterýge nemese tómendetýge quqyly. Bizdiń óńirde mólsherleme 4%-dan 2%-ǵa tómendetildi.
О́zin-ózi jumyspen qamtyǵan azamattar úshin jeke salyq rejımi kózdelgen. Ruqsat etilgen qyzmet túrleriniń tizimi 40 baǵytty qamtıdy. Basty shart – jaldamaly qyzmetkerlerdiń bolmaýy jáne aılyq tabystyń 300 AEK-ten aspaýy. Bul jaǵdaıda biryńǵaı mólsherleme 4% jáne ol tek áleýmettik tólemderdi ǵana qamtıdy.
«Mundaı kásip túri jeke tabys salyǵynan bosatylady. О́zin-ózi qamtyǵandarǵa JShS nemese jeke kásipker retinde tirkelý qajet emes. Jalǵyz talap – tabystyń 4%-y kóleminde áleýmettik tólem engizý. Onyń 2%-y – mindetti zeınetaqy jarnalary, 1%-y – áleýmettik aýdarymdar, 1%-y – medısınalyq saqtandyrý. Barlyq prosester mobıldi qosymsha nemese ınternet-platformalar arqyly júrgiziledi. Olar chekterdi avtomatty túrde qalyptastyryp, kiristerdi eseptep, qajetti esepteýlerdi oryndaıdy», deıdi Memlekettik kirister departamenti basqarma basshysy Gúlsara Qarymsaqova.
Ońaılatylǵan deklarasııa jáne bólshek saýda salyǵy bir rejımge aınaldy. Negizgi talaptar saqtalady, biraq endi ony jyldyq kirisi 600 myń AEK-ten aspaıtyn, ıaǵnı shamamen 2,5 mlrd teńge bolatyn kásipkerler qoldana alady.
«Arnaıy salyq rejımine kóshý 2026 jyldyń 1 qańtaryna deıin, 1 qańtar men 1 naýryz aralyǵynda júrgiziledi. Qazirgi tańda mobıldi qosymsha arqyly jumys isteıtin jeke kásipkerler ózderin jeke kásipker retinde tirkeýden shyǵaryp tastaýy kerek. Tirkeýden shyqqannan keıin mundaı azamattar qosymshada alǵashqy chek qalyptasqan kúnnen bastap ózin-ózi jumyspen qamtyǵan tulǵa retinde tanylady», deıdi Memlekettik kirister departamenti basqarma basshysy Gúlnar Isaeva.
