foto: Úkimet
Mınıstr mundaı jaǵdaılarda asyǵys qorytyndy jasap, dálelsiz pikir bildirýge jáne zańda kózdelgen barlyq rásimder aıaqtalmaı turyp baǵa berýge bolmaıtynyn atap ótti. Onyń aıtýynsha, oqıǵanyń mánin burmalap nemese proseske qatysýshylardy negizsiz qaralaýǵa alyp keletin málimdemelerge jol berilmeýi tıis.
«Atalǵan is boıynsha sheshim ádil bolady dep senemin. Taratylyp jatqan aqparattyń durystyǵyn tekserý – «Mass-medıa týraly» Qazaqstan Respýblıkasynyń Zańynda bekitilgen jýrnalısterdiń negizgi mindetteriniń biri bolyp tabylady. Sonymen qatar, zańnamada, atap aıtqanda 68-bapta, jýrnalısterdi shyndyqqa sáıkes kelmeıtin aqparatty taratqany úshin jaýapkershilikten bosatatyn jaǵdaılar qarastyrylǵan, onyń ishinde resmı sózderdi sózbe-sóz, ózgerissiz keltirilgen bolsa», dedi Aıda Balaeva.
Sondaı-aq ol kez kelgen osyndaı máseleni qaraý kezinde «Zań jáne tártip» qaǵıdatyn qatań ustaný qajet ekenin aıtty. Mınıstrliktiń málimetinshe, jaǵdaı turaqty baqylaýda jáne qajet bolǵan jaǵdaıda vedomstvo óz quzyreti sheńberinde aralasýǵa daıyn.
«Barlyq prosessýaldyq áreketter syrtqy aralasýsyz, zańnamada belgilengen tártipke sáıkes qatań túrde júzege asyrylýy tıis», dep atap ótti mınıstr.
Eske salaıyq, jýrnalıst Botagóz Omarova jalǵan aqparat taratý isi boıynsha kúdikke ilinip, sot sheshimimen úıqamaqqa alynǵan.
Áriptesteri bul jaǵdaıǵa alańdaýshylyq bildirip, quqyq qorǵaý organdarynan aqparattyń jetkiliksiz ekenin aıtqan.
