Departament basshysy Aıgúl Nábıevanyń aıtýynsha, basty maqsat – naryqta adal ári teń básekelestik orta qalyptastyrý, josyqsyz básekelestik pen monopolııalyq áreketterdiń aldyn alý.
«Jyl basynan beri júrgizilgen monıtorıngtiń nátıjesinde mádenıet jáne bilim salasyndaǵy 31 mekeme tarapynan monopolııaǵa qarsy organnyń kelisimin almaı, qosymsha qyzmet kórsetkeni anyqtaldy. Osyǵan oraı mekemelerdiń basshylaryna zań buzýshylyqtardy joıý týraly nusqaý berildi. Jergilikti 10 taýar naryǵyndaǵy básekelestiktiń jaı-kúıine taldaý júrgizildi. Taldaý mektepke deıingi jáne orta bilim, kóterme jáne bólshek saýdada azyq-túlik ónimderin,, avıaotyn, kúnbaǵys maıy, un jáne qus eti naryǵyn qamtydy», deıdi Aıgúl Nábıeva.
Onyń deregine qaraǵanda, bir sýbektiniń áreketinen zańnamany buzý belgisi anyqtalǵan. Sondaı-aq jeti tergep-tekserý taǵaıyndalyp, onyń altaýy aıaqtalǵan. Bireýi ýaqytsha toqtatylǵan.
