Azamat jasaǵan art-músinder

Art-sheberdiń týyn­dy­la­rynyń qatarynda sý tas­qy­ny kezinde qap tasyǵan ıt­tiń músini de bar. Bul músindi bir aıda jasaǵan.

«Byltyrǵy sý tasqyny kezinde eldiń birligine, uıymshyldyǵyna kýá boldyq. О́zim de erikti retinde Jaıyq ózeniniń jaǵalaýyna bóget salýǵa qatystym. Sol kezde Pshon atalatyn ıttiń qap tasyp júrgenin kórdik. Kópshilik áleýmettik jelide jaǵymdy pikir qaldyrdy. Alaıda byltyrǵy qarashada Pshondy atyp ketkenin estidik. Sodan soń onyń músinin jasaýǵa bekindim», deıdi Azamat Kenjeǵalıev.

Onyń aıtýynsha, ıttiń músinin jasaýǵa kádimgi qara temirdi paıdalanypty. Aldymen temirden júrek tektes bólshekterdi ázirledi. Sodan ıttiń músinin qurastyrdy.

«Áleýmettik jeli qoldanýshy­lary unaǵan jazbaǵa, ne sýretke júrek túrindegi lúpil basady. Dál osy lú­pildi Pshonnyń músinine qoldandym. Músindi kólik syrymen syrladym. Ony Jaıyq ózeniniń Atyraý qalasyndaǵy jaǵalaýyna qoıýdy usynyp, ákimdikke habarlasqan edim. Ákimdikten qoldaý bolmady», deıdi ol.

Jurtshylyqtyń qoldaýyna ıe bolǵan ıttiń músini Atyraý qala­­syn­daǵy «Ailaq Coffee» kafesiniń al­dyna qoıyldy. Bul kafe Jaıyq óze­niniń jaǵalaýynda ornalasqan.

«Pshonnyń músinin Sarytoǵaı aýy­lynda turatyn ıesi satyp alǵy­sy keletinin aıtty. Keıin «Ailaq Coffee» kafesiniń ıesi habarlasyp, músindi qoıýǵa oryn beretinin aıtty. Músindi kútip ustaýǵa ýáde berdi. Ol músinge aqsha usynǵan edi. Biraq aqshasyn almadym. Maǵan ózim jasaǵan týyndynyń bos jatpaǵany qajet», deıdi músin avtory.

Azamat músinderdi sheberhanasynda jasaıdy. Músinge qajetti materıaldardy óziniń aqshasyna satyp alady. Art-músinderdiń sapasyn arttyrýǵa qajetti zamanaýı stanoktar qajet.

«Jaqynda alyp bekire balyǵynyń músini daıyn boldy. Endi oǵan tirek ári kórneki negiz bolatyn Kaspıı teńiziniń maketin pysyqtap otyrmyn. Bekire ba­lyǵyn da burynǵy jumys­tarym se­kil­di óz esebimnen jasadym», deıdi art-sheber.

Alaıda bekireniń art-músini qoıy­latyn oryn áli naqtylanǵan joq. Beki­reni úsh aıda daıyndaǵan sheber qala ákim­digine Atyraý temirjol vokza­ly­­nyń nemese H.Dospanova atyndaǵy halyq­­aralyq áýejaıdyń aldyna qoıý­dy usy­nypty. Biraq saıabaqtar men Jaıyq ózeniniń jaǵalaýyn qolaıly kórmeıdi.

Temirden túıin túrli músin daıyndaıtyn sheber Azamat Kenjeǵalıev­tiń birneshe týyndysy bar. Máselen, sha­ýyp bara jatqan birneshe jylqy­nyń músini saýda ortalyǵynyń aldynda tur. О́zi turatyn kentke «Inderbor» kompozısııasy men «Máń­gilik alaý» memorıaldyq nysanyn syıǵa tartty.

Atyraý oblysy