Ekonomıka • 09 Jeltoqsan, 2025

Importtalatyn taýarlarǵa QQS tóleýdi keıinge qaldyrý mehanızmi bekitildi

70 ret

kórsetildi

1 mın

oqý úshin

Ulttyq ekonomıka mınıstrligi qaıta óńdeý úshin ákelinetin taýarlar tizbesin belgileý týraly buıryqty bekitti. Qujatqa sáıkes, atalǵan tizimge kiretin ónimderdi ımporttaǵan kezde salyq tóleýshiler qosylǵan qun salyǵyn keıinge qaldyrý quqyǵyna ıe bolady. Bul norma Salyq kodeksiniń 134-babynyń 2-tarmaǵynda belgilengen talaptarǵa sáıkes aıqyndaldy, dep habarlaıdy Egemen.kz.

Qyrmyzy JUMAǴALIQYZY

Importtalatyn taýarlarǵa QQS tóleýdi keıinge qaldyrý mehanızmi bekitildi

Foto: depositphotos.com

Mınıstrliktiń málimetinshe, tizimge Qazaqstanda óndirilmeıtin nemese ishki naryq suranysyn tolyq qamtı almaıtyn, biraq qaıta óńdeý salasy úshin mańyzdy sanalatyn taýarlar engizilgen.

«Qabyldanǵan buıryq qaıta óńdeý óndirisine arnalǵan shıkizat pen komponentterge qol jetkizedi. QQS tóleýdi keıinge qaldyrý kásiporyndarǵa qajetti taýardy ákelý kezinde aınalym qarajatynan almaýǵa múmkindik beredi. Osylaısha olardyń qarjysy turaqty bolmaq», delingen habarlamada.

Aıta ketý kerek, atalǵan tizim Eýrazııalyq ekonomıkalyq odaqqa múshe elderden ımporttalatyn taýarlarǵa qoldanylmaıdy.

QQS tóleýdi keıinge qaldyrý tártibi men merzimi salyq jáne basqa da mindetti tólemderdi ákimshilendirýge jaýapty ýákiletti organ belgileıdi.