Fotolar: Ǵylym jáne joǵary bilim mınıstrligi
Postdoktorant Faisal Kholiya men PhD doktoranty Merýert Imanbek qaýymdastyrylǵan professor Sana Qabdrahmanovanyń jetekshiligimen gıdrotermaldyq sıntezdiń zamanaýı ádisterin paıdalana otyryp, taǵamdyq jáne farmasevtıkalyq maqsattarǵa jaramdy joǵary sapaly pektın, shyǵymy shamamen 35% sellıýloza, sondaı-aq ólshemi 8-14 nanometr bolatyn fotolıýmınessentti kómirtekti kvanttyq núkteler jasady.
Alynǵan materıaldar azyq-túlikti saqtaý tehnologııalarynda, dárilik zattardy jetkizý júıelerinde, vızýaldy ozyq medısınada jáne qoldanbaly nanotehnologııalyq ınnovasııalar salasynda keńinen qoldanylýy múmkin.
«Bizdiń jobamyz aýyl sharýashylyǵy qaldyqtaryn joǵary sapaly premıým-materıaldarǵa aınaldyrýdyń jarqyn mysaly bolmaq», dedi joba jetekshisi Sana Qabdrahmanova.
Ǵylymı zertteý jumystary Sátbaev ýnıversıtetiniń О́.Baıqońyrov atyndaǵy Taý-ken jáne metallýrgııa ınstıtýtynyń «Hımııalyq úderister jáne óndiristik ekologııa» kafedrasy bazasynda jumys isteıtin ozyq fýnksıonaldy materıaldar jáne olardyń kompozıtteri jónindegi halyqaralyq R&D ortalyǵynda júzege asyryldy.
Aýyl sharýashylyǵy qaldyqtaryn qaıta óńdeý ónerkásiptik deńgeıde tolyq iske asyrýǵa bolatyn turaqty jáne ekonomıkalyq tıimdi prosess ekenin zertteý nátıjeleri kórsetti. Bul aýyldyq óńirlerde jańa jumys oryndarynyń paıda bolýyna, ónerkásip sektorynyń áleýetin nyǵaıtýǵa jáne el ishinde ǵylymı-tehnologııalyq quzyretterdi damytýǵa múmkindik beredi.
