Oblys ákiminiń aıtýynsha, jobaǵa jańa ınvestor tabylǵan.
«Investormen barlyq kelisimder jasaldy, qazir kelisimshartqa qol qoıý kezeńinde turmyz. Kelesi jyldan bastap ol 5 mln dollardan astam qarjy quıyp, jaǵajaıdy damytýǵa kirisýdi josparlap otyr», dedi Kósherov.
2023 jyldyń qarashasynda «Ádildik joly» qoǵamdyq birlestiginiń basshysy Dıdar Smaǵulov jaǵajaı aýmaǵynan túsirilgen fotolardy jarııalaǵan edi. Onyń málimetinshe, 2020-2021 jyldary sý astyndaǵy arnany qazý, jasandy kóldiń túbin tereńdetý jáne jaǵalaýdy nyǵaıtý jumystaryna 1,8 mlrd teńge jumsalǵan, keıin taǵy 7 mlrd teńge ıgerilgen. Joba oblysty О́mirzaq Shókeev basqarǵan kezeńde júzege asqandyqtan, áleýmettik jelilerde «Shókeev jaǵajaıy» degen ataýǵa ıe boldy.
Belsendi jarııalaǵan kadrlardan jaǵajaı ınfraqurylymynyń qıraǵany jáne aıaqtalmaǵany anyq baıqalady. Joldary jartylaı ǵana tóselgen, jaryq baǵandarynda shamdar joq, al «mıllıardtaǵan kógaldandyrý» dep kórsetilgen aǵashtardyń ornyna qur topyraqqa qadap qoıǵan butaqtar turǵany aıtyldy. Joba boıynsha kóleńkeli aımaqtar, klıon aǵashtary, oryndyqtar, gazon men gúlzarlar jáne sýarý júıesi qarastyrylǵanymen, olardyń kópshiligi salynbaǵan.
Fotolarda jaǵalaý aımaǵynyń shomylýǵa beıimdelmegeni de kórinedi.
2023 jyly oblystyń eks-ákimi Darhan Satybaldy jaǵajaı qurylysy birneshe kezeńnen turatynyn, alaıda birinshi jáne ekinshi kezeńderdi bastaýǵa qarjylandyrý bolmaǵanyn málimdegen bolatyn.
