Ár salmaqta chempıon atanǵan boksshy 300 myń dollar alady. Tipti 5-oryn alǵan boksshylar da Dýbaıdan quralaqan qaıtpaıdy. Erler synynda elimizdiń boksshylary da altyn medal alýǵa baryn salatyny anyq. Dodanyń alǵashqy jekpe-jekterin ótkizgen jerlesterimiz senimdi aqtady. Nurmaǵamed Iýsýpov (92 kg) tájikstandyq Navrýz Djafoevty nokaýtpen jeńdi. Sanatáli Tóltaev (67 kg) zambııalyq Gerald Kabındany 4:1 esebimen eńserdi. Kelesi jekpe-jeginde brazılııalyq Santos Olıveıranyń kúshin baǵamdaıdy. 80 kg salmaqta Erasyl Jaqpekov Býrkına-Faso boksshysy Zýgrana Evenzerdi birinshi raýndta aıqyn basymdyqpen utty. Danııal Sábıt (51 kg) kenııalyq Kevın Mıchıra Maırany, álem chempıony, Tokıo jazǵy Olımpıadasynyń qola júldegeri Sáken Bıbosynov (54 kg) botsvanalyq Katlego Keopareseni 5:0 esebimen taza jeńdi. 57 kg salmaq dárejesinde Orazbek Asylqulov Kabo-Verde eliniń ókili Elısandro Sanches da Sılvany aıqyn basymdyqpen jeńse, tájirıbeli boksshy Serik Temirjanov (60 kg) mońǵolııalyq Tsenbatar Erdenebaatty utty. Ertýǵan Zeınýllınov ta Mońǵolııa boksshysy Davaadalaı Altangereldi erkin eńserdi. Álem chempıonatynyń úsh dúrkin qola júldegeri Abylaıhan Júsipov (71 kg) armenııalyq Ararat Harýtıýnıandy, Dáýlet Tólemisov (86 kg) brazılııalyq Ramon Soýzany 5:0 esebimen taza jeńdi. 75 kg salmaq dárejesinde Sabyrjan Aqqalyqov Seıshel araldarynyń boksshysy Djoshýa Aron Kýnındi ekinshi raýndta nokaýtqa túsirdi.
Erler arasyndaǵy jahandyq doda Dýbaıdaǵy tennıs ortalyǵynda ashyq aspan astynda ótip jatyr.
