Foto: Freepik
Tabysyn jasyrǵan tórt balanyń ákesi, ári iri bıznes ıesi – sot sheshimderi men oryndaýshy qaýlylaryn birneshe ret daýlaǵan eken. Qaryzdyń naqty kólemin anyqtaý úshin jeke sot oryndaýshy (JSO) keń aýqymdy tekseris júrgizip, Memlekettik kirister komıtetinen, bankterden, jumys oryndarynan málimetter alyp, barlyq qarjylyq operasııalardy zerttegen.
Aqparat berýden jaltarǵan boryshkerge qatysty ákimshilik jaýapkershilikke tartý týraly usynys engizilgennen keıin ǵana ol naqty tabysyn ashýǵa májbúr bolǵan. Odan keıin ótken onnan asa sot otyrysynda barlyq sheshimder oryndaýshynyń paıdasyna shyǵaryldy.
Nátıjesinde bir jyldyń ishinde 140,6 mln teńge negizgi qaryz jáne 56 mln teńge ósimpul, jalpy somasy 196 mln teńge óndirilip alyndy.
Respýblıkalyq jeke sot oryndaýshylary palatasy alǵys hat joldap, Meıram Ábdikovtiń kásibıligi men tabandylyǵyn atap ótti.
«Alıment óndirý – áleýmettik mańyzy zor sanat. JSO-nyń jumysy balalardyń qarjymen qamtylýyna tikeleı áser etedi», delingen hatta.
