Foto: Ashyq derekkóz
Sımpozıým ǵylymı ıdeıalarmen almasyp, quqyqtyq mádenıetti talqylaýǵa arnalǵan mańyzdy alańǵa aınaldy.
Sımpozıým qatysýshylaryna Túrkistan oblysy ákiminiń orynbasary Ertaı Altaev, Q.A. Iаsaýı atyndaǵy Halyqaralyq qazaq-túrik ýnıversıtetiniń О́kiletti keńesiniń tóraǵasy Mýhıttın Shımshek, Parlament Májilisiniń depýtaty Únzıla Shapaq, Syrtqy ister mınıstrliginiń Erekshe tapsyrmalar jónindegi elshisi Alýa Nadırqulova, Túrki mádenıeti jáne murasy halyqaralyq qorynyń prezıdenti Aqtoty Raıymqulova, Túrki akademııasynyń vıse-prezıdenti Baıram Býlent, Túrki memleketteri uıymy janyndaǵy Túrki memleketteri kásipker áıelder keńesiniń tóraıymy Lázzat Ramazanova quttyqtaý sózder arnady.
Sımpozıým jumysyna sondaı-aq Ázerbaıjan Respýblıkasy Konstıtýsııalyq Sotynyń sýdıasy Rashıd Rzaev, Qyrǵyz Respýblıkasyndaǵy Manas Ulttyq akademııasynyń dırektory Azız Bıımyrzaýly, О́zbekstan Respýblıkasy Adam quqyqtary jónindegi ulttyq ortalyǵynyń ókili Ýtkır Ochılov, Ulttyq zań akademııasynyń prezıdenti Bahytjan Qýandyqov, Túrkistan oblystyq sotynyń tóraǵasy Aıdos Sultanov, Túrkistan oblysynyń prokýrory Murat Tleýberdıev, Túrkistan oblysy boıynsha UQK departamentiniń bastyǵy Bolat Qalmyrzaev, Ekonomıkalyq tergep-tekserý departamentiniń basshysy Erbolat Balǵabaev jáne Túrkistan oblysy Polısııa departamentiniń bastyǵy Murat Kabdenov qatysty.
Plenarlyq sessııanyń moderatory Q.A. Iаsaýı atyndaǵy Halyqaralyq qazaq-túrik ýnıversıtetiniń rektory Janar Temirbekova boldy.
Sımpozıým aıasynda Halyqaralyq qazaq-túrik ýnıversıtetiniń stýdentteri men professor-oqytýshylar quramy úshin jetekshi ǵalymdardyń qonaq dáristeri uıymdastyryldy. Maqsut Narikbayev University qaýymdastyrylǵan professory, Qazaqstan Respýblıkasy Konstıtýsııalyq Soty janyndaǵy Ǵylymı-konsýltatıvtik keńes múshesi jáne Garvard ýnıversıtetiniń shaqyrylǵan ǵalymy Mýslım Hasenov «Qazaqstannyń konstıtýsııalyq evolıýsııasy: kóshpeli basqarýdan qazirgi reformalarǵa deıin» taqyrybynda dáris oqydy.
Sonymen qatar, L.N. Gýmılev atyndaǵy Eýrazııa ulttyq ýnıversıtetiniń áleýmettaný kafedrasynyń dosenti, PhD doktory, Qazaqstannyń Kásibı áleýmettik qyzmetkerlerdiń Ulttyq alıansynyń atqarýshy dırektory Dınara Esımova sımpozıým qatysýshylaryna dáris oqydy.
