Foto: Ashyq derekkóz
Ekonomıkanyń sıfrlanýǵa baǵyt alýy men keıbir salalar men aımaqtarda tabystyń artýyna qaramastan, el ishinde qymbat gadjetterdiń qoljetimdiligi arasyndaǵy aıyrmashylyq áli de aıqyn bolyp otyr.
Ulttyq banktiń málimetinshe, qazaqstandyqtar túrli taýar men qyzmetti, sonyń ishinde smartfon sııaqty qymbat tehnıkany nesıege alýǵa jıi júginedi. 2025 jyldyń tamyzyndaǵy jaǵdaı boıynsha, ekinshi deńgeıli bankterdiń ekonomıkaǵa bergen nesıe kólemi 38 trln teńgeden asady, onyń 62%-y halyqtyń jeke tutyný maqsattaryna jumsalǵan. Bul jaǵdaı bank júıesi men jalpy ekonomıkany belgili bir deńgeıde táýekelge ıtermeleıdi.
Ulttyq statıstıka bıýrosynyń derekteri boıynsha, 2024 jyly Qazaqstandaǵy ortasha aılyq jalaqy – 384 266 teńge. Demek, ortasha qazaqstandyqtyń jańa iPhone 17 Pro satyp alý úshin eshqandaı basqa shyǵynsyz 2,24 aılyq jalaqysyn jınaýy qajet.
Tek IT, qarjy jáne munaı-gaz salasynda jumys isteıtinder aıfondy nesıesiz ala alady. Qalǵan kópshilik úshin bul – 2-3 aılyq tabys kólemine teń.
Eń joǵary jalaqy Atyraý, Mańǵystaý jáne Ulytaý oblystarynda, munda iPhone shamamen 1,5 aılyq tabysqa teń. Almaty men Astana turǵyndarynyń jaǵdaıy damyǵan elder deńgeıine jaqyn, smartfon shamamen 1,8 aılyq jalaqy kóleminde. Al ońtústik jáne soltústik óńirlerde (Jetisý, Túrkistan, Soltústik Qazaqstan) iPhone alý úshin 3 aıdan astam jumys isteý qajet.
iPhone 17 Pro-nyń qoljetimdiligi Qazaqstandaǵy ekonomıkalyq teńsizdiktiń aınasy ispetti:
- IT, qarjy jáne munaı-gaz sektory, sondaı-aq astanalyqtar men almatylyqtar – aıfondy bir-eki aıda ala alady;
- Aýyldyq jáne tómen tabysty óńirler úshin tek bólip tóleý nemese nesıe arqyly;
- Al ortasha qazaqstandyqqa jańa smartfon alý úshin 2-2,5 aı jumys isteýge týra keledi.
