Foto: Ashyq derekkóz
Kómek kimderge baǵyttalǵan?
Turǵyn úı kómegi negizinen myna azamattarǵa beriledi:
- Jalǵyz turatyn jáne turaqty tirkelgen azamattar;
- Memlekettik turǵyn úı qorynan jalǵa páter alǵandar;
- Jergilikti atqarýshy organdar bergen jeke sektordaǵy páterdi jaldap turatyndar.
О́tinishterdi elektrondy úkimet portaly arqyly onlaın nemese «Azamattarǵa arnalǵan úkimet» memlekettik korporasııasynyń bólimsheleri arqyly oflaın joldaýǵa bolady.
Ranking.kz derekterine súıensek, elimiz ótken jylytý maýsymyn apatsyz ótkizip, sátti aıaqtady. Infraqurylym birtindep turaqtanyp keledi. Jańa tarıftik saıasatty júzege asyrý eldiń ekonomıkasyn damytýǵa jol berip, Ekibastuz ben Rıdderde bolǵan jaǵdaılardyń qaıtalanýyna múmkindik bermedi. Ataýly ótemaqy mehanızmi áleýmettik qorǵaý men ınfraqurylymǵa ınvestısııa salý arasyndaǵy tepe-teńdikti qamtamasyz ete otyryp, az qamtylǵan otbasylarǵa júktemeni jeńildetedi.
2025 jyldan bastap esepteý tártibi qalaı ózgerdi?
2025 jyldyń tamyz aıynan bastap turǵyn úı kómegin esepteý jańa tásilmen júrgiziledi. Endi kómek mólsheri qyzmet kórsetýshiniń belgilengen normalaryna sáıkes anyqtalady:
- Gazben jabdyqtaý – bir adamǵa 15 tekshe metrden aspaıdy;
- Elektr energııasy – óńirlik ýákiletti organ belgilegen normalarǵa sáıkes;
- Sýmen jabdyqtaý: sýyq sý – 4 tekshe metr, ystyq sý – 2 tekshe metr;
- Jylýmen qamtamasyz etý – bir adamǵa 0,025 Gkal;
- Qoqys shyǵarý – bir adamǵa 650 teńgeden aspaıdy;
- Lıft qyzmeti – bir páterge 1300 teńgeden aspaıdy;
- Baılanys qyzmetteri – telefon abonenttik tólemi 1399 teńgeden aspaıdy;
- Kondomınıýmdy kútip ustaý jáne kúrdeli jóndeý – sharshy metrge 60 teńge;
- Memlekettik turǵyn úı qorynan jaldaý aqysy – sharshy metrge 120 teńge.
- Bir adamǵa arnalǵan normanyń alańy 18 m², al jalǵyz turatyn azamattar úshin bul kórsetkish 30 m²-tan aspaýy kerek.
Eńbek jáne halyqty áleýmettik qorǵaý mınıstrliginiń derekterine súıensek, 2025 jyldyń 1 qazanyndaǵy jaǵdaı boıynsha turǵyn úı kómegi 9,6 myń otbasyǵa taǵaıyndalǵan. Jalpy somasy 453,4 mln teńgeni qurady. Bir otbasyǵa bir toqsandaǵy tólemniń ortasha mólsheri – 4,6 myń teńge. Eń kóp tólem Qostanaı (60,4 mln teńge), Jambyl (55,1 mln teńge) jáne Qyzylorda (54,3 mln teńge) oblystaryna tıesili. Al tólem alǵan otbasy músheleriniń eń kóp sany Qostanaı, Qaraǵandy jáne Jambyl oblystarynda baıqaldy. Ortasha tólemniń eń joǵary mólsheri Túrkistan oblysynda – 7,9 myń teńge, Shymkentte – 7,3 myń teńge, Qyzylordada – 6,9 myń teńge.
Elimizde turǵyn úı kezegin jedeldetý maqsatynda jańa ereje engizildi
О́tken jyly turǵyn úı kómeginiń jalpy somasy 592,1 mln teńge boldy. Bul tólemdi 17,55 myń otbasy múshesi aldy. Bir jyl ishinde tólengen kómek 42,7%-ǵa qysqarsa, alýshylardyń sany 64,3%-ǵa tómendegen.
Eń kóp tólem bólingen óńirler:
- Qyzylorda – 113 mln teńge;
- Jambyl – 89,8 mln teńge;
- Qostanaı – 61,3 mln teńge.
Tólem alýshylar sany eń kóp óńirler:
- Qaraǵandy – 2,81 myń adam;
- Jambyl – 2,69 myń adam;
- Qostanaı – 2,18 myń adam.
Turǵyn úı kómegi eń aldymen az qamtylǵan otbasylarǵa baǵyttalǵan. Al zeınetkerler, múgedektigi bar azamattar, kópbalaly nemese basqa sanattaǵy muqtaj adamdar teń dárejede qoldaý alady. Bul júıe turǵyndardy kommýnaldyq qyzmet tarıfteriniń kúrt ósýinen qorǵaı otyryp, áleýmettik teńdik pen turmystyq jaǵdaıdy saqtaýǵa múmkindik beredi.
