Qoǵam • 11 Jeltoqsan, 2025

Endi balalar uıymdaryna tekseris kenetten júrgiziledi

122 ret

kórsetildi

1 mın

oqý úshin

2026 jyldyń 1 aqpanynan bastap memlekettik baqylaýdyń jańa tártibi kúshine enedi. Memlekettik baqylaý 4 jeltoqsanda Prezıdent qol qoıǵan zańmen retteledi. Baqylaýdyń arnaıy tártibi bekitilip, kórsetiletin qyzmetterdiń sapasy men qaýipsizdigine qoıylatyn talaptar kúsheıtiledi, dep jazady Egemen.kz.

Shyńǵys MUQAEV

Endi balalar uıymdaryna tekseris kenetten júrgiziledi

Foto: Oqu-agartu ministrligi

Bul tártip ýákiletti organǵa memlekettik bıýdjetten qarjylandyrylatyn uıymdardy qyzmeti bastalar aldynda jáne ony kórsetý barysynda kenetten tekserýge quqyq beredi.

Oqý-aǵartý mınıstrligine qarasty Balalardyń quqyqtaryn qorǵaý komıtetiniń tóraǵasy Nasymjan Ospanovanyń aıtýynsha, kenetten tekserýlerdi engizý balalardyń qorǵalýyn, memlekettik baqylaýdy kúsheıtedi.

«Endi ýákiletti organ naqty buzýshylyqtar týraly sıgnal túsken jaǵdaıda óz sheshimimen tekserý taǵaıyndap, nysanǵa dereý shyǵa alady. Sıgnal túsken kezde nysanǵa jospardan tys tekserý júrgiziledi», dedi N.Ospanova.

Aıta keteıik, 4 jeltoqsanda Memleket basshysy «Qazaqstan Respýblıkasynyń keıbir zańnamalyq aktilerine mádenıet, bilim berý, otbasy jáne memlekettik baqylaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy. Jańa normalar 2026 jyly 1 aqpanda kúshine enedi.