Shilde aıynda tegin medısınalyq kómektiń kepildendirilgen kólemi (TMKKK) jáne mindetti áleýmettik medısınalyq saqtandyrý (MÁMS) sheńberinde medısınalyq kómek alýǵa qatysty birqatar ózgerister men tolyqtyrýlar qabyldandy.
Eń aldymen, kómek paketteri qaıta qaraldy. Sonymen birge, áleýmettik sanattar úshin memleket tóleıtin jarna mólsherlemeleri, sondaı-aq jumysshylardyń MÁMS jarnalaryn esepteý shegi men jumys berýshilerdiń aýdarymdaryna qatysty shekti mólsherler ózgerdi. Budan bólek, ál-aýqaty tómen azamattardy qamtýǵa baǵyttalǵan sharalar qabyldandy.
О́zgeristerdiń bir bóligi búginde kúshine engen, al keıbiri 2026 jyly, taǵy birqatary 2027 jyly qoldanysqa engizilmek.
MÁMS týraly Zańnyń jańa normalary jóninde Densaýlyq saqtaý mınıstrliginiń MÁMS júıesin jetildirý jáne taldaý departamentiniń dırektory Lázzat Shomanova aıtyp berdi. Onyń aıtýynsha, medısınalyq qyzmetterdiń eń kóp tutynýshylary – balalar men qarttar.
«Elimizde ómir súrý uzaqtyǵynyń artý kórsetkishteri jaqsy. Halqymyzdyń ómir súrý uzaqtyǵy ósip keledi. Bul – medısınalyq qyzmetterge qoljetimdiliktiń jaqsarýynyń nátıjesi. Iаǵnı, azamattar densaýlyqtaryna kóbirek kóńil bóle bastady, buryn qoljetimsiz bolǵan joǵary tehnologııalyq, qymbat medısınalyq kómekti ala bastady. MÁMS engizilgeli mundaı qyzmetterdiń kólemi artty», dedi ol.
Lázzat Shomanovanyń aıtýynsha, tegin medısınalyq kómektiń kepildendirilgen kólemine áleýmettik máni bar aýrýlar engizilgen.
«Áleýmettik máni bar aýrýlardyń tizbesi mınıstrlik tarapynan qaıta qaraldy. Al dınamıkalyq baqylaýdy qajet etetin ózge sozylmaly aýrýlardy birtindep MÁMS paketine kóshirý jumysy júrip jatyr», deıdi ol.
Sonymen qatar, keıbir azamattar ózderiniń MÁMS-ke joǵary mólsherde jarna tóleıtinin aıtyp, ózin-ózi jumyspen qamtıtyndar úshin qazirgi 4250 teńge mólsherindegi jarnany arttyrýdy suraǵan.
«Biz bul somany burynǵy deńgeıde qaldyrdyq. Sebebi azamattardyń bul júıege qınalmaı kirýin qamtamasyz etkimiz keledi», dedi Shomanova.
Ol álem elderindegi tájirıbege de toqtaldy. Onyń aıtýynsha, basqa memleketterde tegin medısınalyq kómektiń kepildendirilgen kólemi óte az. Onyń ústine, bar paket kóleminiń ózi tolyq medısınalyq kómek alýǵa múmkindik bermeıdi – belgili shekteýler bolady.
«MÁMS-ke jarna tóleýdiń úzdiksiz bolýy mindetti. Bizde buǵan deıin qymbat dıagnostıkalyq zertteýler MÁMS paketine kiretin, endi olar TMKKK-ge aýystyryldy. Halyq muny bilýi kerek jáne bul múmkindikti paıdalanyp, onkologııalyq aýrýlardy erte kezeńde anyqtaýǵa kóńil bólýi tıis», dedi ol.
