Departament basshysy Álibı Turysbaevtyń málimdeýinshe, atqarylǵan jumystardyń nátıjeleri boıynsha jalpy somasy 55 mln teńge kóleminde ákimshilik aıyppul salynǵan.
«Bıyl jyl basynan bastap departament tarapynan elimizdiń básekelestikti qorǵaý salasyndaǵy zańnamasyn buzý derekteri boıynsha 4 tergeý júrgizildi. Departament qyzmetkerleri júrgizgen tekserister nátıjesinde 80 ákimshilik hattama toltyrdy», dedi Á.Turysbaev.
Sondaı-aq Kentaý qalasyndaǵy «Kentaý-Servıs» KMM-ǵa júrgizilgen tekserý barysynda 1 tekshe metr jylytý alańy úshin baǵany 33 teńgeden 125 teńgege deıin negizsiz kótergeni anyqtalǵan. Atalǵan jaıt boıynsha kásiporynǵa jalpy somasy 34 mln teńgeden asatyn ákimshilik hattama toltyrylyp, quqyq buzýshylyqty joıý jóninde nusqama shyǵaryldy. Osy is boıynsha departamenttiń paıdasyna sot sheshimi shyǵarylǵan.
