Foto: Ashyq derekkóz
Nege 1414 arqyly SMS-kod jiberilmeıdi?
Jasandy ıntellekt jáne sıfrlyq damý mınıstrligi men Bas prokýratýra aqparattyq qaýipsizdikti arttyrý maqsatynda 1414 nómirinen jiberiletin kodtardy memlekettik servısterde qoldanýdy toqtatty.
Buǵan deıin túrli onlaın qyzmetterge kirý úshin 1414 nómirinen SMS-kod keletin edi. Alaıda bul alaıaqtardyń jeke derekterdi ıemdený qaýpin kúsheıtti. Sondyqtan endi portaldy nemese memlekettik júıelerdi paıdalaný kelesi tásilder arqyly ǵana júzege asady:
- Bıometrııalyq aýtentıfıkasııa;
- Elektrondyq sıfrlyq qoltańba (ESQ);
- eGov QR-kody arqyly kirý
Jeltoqsan aıynan bastap jańa talaptardy oryndamaǵan aqparattyq júıeler 1414 shlıýzinen ajyratylǵan.
Alaıaqtardyń qurbany bolǵan jaǵdaıda ne isteý kerek?
-
112 nómirine qońyraý shalyp, polısııaǵa dereý aryz berińiz.
-
Eger atyńyzǵa ruqsatsyz nesıe rásimdelse, qarjy uıymymen birden baılanysyńyz.
-
ESQ kiltin joǵaltqan jaǵdaıda pki.gov.kz portaly arqyly jańasyn alyńyz.
-
Telefon joǵalsa, Mobile Citizen Database (mobıldi azamattar bazasy) derekterin jańartý qajet.
Aıta keteıik, alaıaqtar 1414 nómirinen keletin kodtardy azamattardy jańylystyrý, derekterdi ıemdený jáne keıin qylmystyq maqsatta qoldaný úshin paıdalanady.
