2025 jyly shyǵarylǵan jańa kólikter tolyqtaı zamanaýı medısınalyq qurylǵylarmen jabdyqtalǵan. Árbir avtokólikte defıbrıllıator, aspırator, ókpeni jasandy jeldetý (IVL) apparaty, reanımasııalyq rıýkzak, 15 lıtrlik ottegi ballony jáne medısınalyq katalka ornatylǵan. Bul jabdyqtar dárigerlerge shuǵyl jaǵdaılarda jyldam ári sapaly kómek kórsetýge múmkindik beredi.
Aımaq basshysy óz sózinde bundaı ıgilikti is memleket tarapynan laıyqty qoldaý taýyp, óz kezegimen jalǵasyn tabatynyn atap ótti.
- Halyqtyń densaýlyǵyn qorǵaý – bizdiń basty basymdyǵymyz. Memleket basshysynyń tapsyrmasyna saı óńirde jedel járdem qyzmetiniń ýaqytyly ári tıimdi jumys isteýi úshin júıeli jumystar júrgizilýde. Kólikterińiz eldiń densaýlyǵyn jaqsartýǵa septigin tıgize bersin. Salaýatty ómir saltyn qalyptastyrý baǵytyndaǵy jumystaryńyzǵa sáttilik tileımin, - dedi Nurdáýlet Qılybaı.
