Zamanaýı mektep 1 200 oqýshyǵa arnalǵan. Jalpy aýmaǵy 13 myń sharshy metrden asatyn bilim ordasynda 61 pán kabıneti bar. Olardyń qatarynda dızaın jáne tehnologııa, tamaqtaný mádenıeti, vızýaldy óner, úı mádenıeti, robototehnıka, STEM jáne mýzyka kabınetteri qamtylǵan. Mektep qajetti qural-jabdyqtarmen tolyq qamtamasyz etilip, oqýshylardyń shyǵarmashylyq jáne zııatkerlik qabiletterin damytýǵa barlyq múmkindik jasalǵan.
Saltanatty is-sharaǵa Mańǵystaý oblysynyń ákimi Nurdáýlet Qılybaı qatysyp, ustazdar men oqýshylardy jańa oqý ordasynyń ashylýymen quttyqtady.
- Memleket basshysynyń tapsyrmasyna sáıkes óńirimizde jańa úlgidegi zamanaýı mektepter boı kóterip jatyr. Bul – balalardyń sapaly bilim alýyna, kásibı baǵdaryn erte aıqyndaýǵa múmkindik beredi. Osyndaı ıgi bastamalar arqyly Jańaózen qalasy men aýyldar arasyndaǵy bilim sapasynyń teńdigin qamtamasyz etýge jol ashylady, - dedi aımaq basshysy.
Mektep erekshe bilimdi qajet etetin balalar úshin de qolaıly jaǵdaımen qamtylǵan. Sensorlyq bólme men ınklıýzıvti bilim berýdi qoldaý kabıneti jumys isteıdi, múmkindigi shekteýli balalar úshin arnaıy jedelsaty ornatylǵan.
Oqýshylardyń qaýipsizdigi basty nazarda, ǵımaratta 126 beınekamera ornatylyp, aýlasynda balalarǵa arnalǵan oıyn jáne sport alańdary salynǵan.
Aıta keteıik, buǵan deıin óńirde «Keleshek mektepteri» jobasy aıasynda 10 myńnan astam oqýshyǵa arnalǵan 11 mektep ashylǵan bolatyn. Jyldyń sońyna deıin Aqtaý qalasynda taǵy bir mektepti paıdalanýǵa berý josparlanyp otyr.
