Baıqaýdyń basty maqsaty – shyǵý tegi týraly qujatsyz júrgen asyl tuqymdy tazylardy anyqtap, olardy resmı esepke alý jáne qujattandyrý.
Ekstererdi baǵalaý jáne tolyq sıpattama berý jumystaryn sarapshylar Anel Bolgýmbaeva men Natalıa Drovosekova júrgizdi. Olar ıtterdi bekitilgen tuqymdyq standartqa sáıkes baǵalap, qajetti ólshemderdi aldy, tis formýlalaryn tekserdi, anatomııalyq qurylymyn jáne qozǵalys erekshelikterin saralady. Sonymen qatar sáıkestendirý quraldaryn ornatty (chıpteý).
Saraptama nátıjesine sáıkes, 43 ıttiń 14-i «óte jaqsy» degen baǵa alyp, ári qaraı tuqymdyq ósirýge ruqsat aldy. Qalǵan ıtter standarttarǵa tolyq sáıkes kelmegendikten, seleksııalyq jumysqa jiberilmeıdi.
Uıymdastyrýshylardyń aıtýynsha, mundaı qatań seleksııalyq baǵalaý qazaqy tazy tuqymynyń sapasy men genetıkalyq tazalyǵyn arttyrýǵa baǵyttalǵan.
Baıqaý alańynda ulttyq naqyshta bezendirilgen kıiz úı fotoaımaq retinde uıymdastyrylyp, qatysýshylarǵa óz tazylarymen estelik sýretke túsý múmkindigi berildi. Bul shara qazaqy tazynyń ulttyq qazyna retindegi mártebesin erekshe aıshyqtady.
