Avtor Platon Nechaevtyń aıtýynsha, onyń keıipkerleri tabıǵatty uqypty paıdalanýdy úıretedi. Kitap satylymynan túsken qarajattyń bir bóligi aǵash otyrǵyzýǵa baǵyttalady. Jas jazýshynyń bastamasyn Senat ta qoldap otyr.
– Meniń kitaptarym ekologııa nemese sport taqyrybymen baılanysty. Bul jınaqta barlyq shyǵarmalar men ekologııalyq tapsyrmalar qamtylǵan. Men Qaraǵandydanmyn, al Qaraǵandy – óte las qala. Sondyqtan biz aǵash otyrǵyzýdy qolǵa aldyq. Bul ıdeıaǵa meni anam baǵyttady. Qaraǵandyda 200 aǵash, Qazaqstan boıynsha 1300 aǵash otyrǵyzdyq, – deıdi Platon Nechaev.
Parlament Senaty tóraǵasynyń keńesshisi Dınara Sádýaqasovanyń sózinshe, bul joba Senattyń qoldaýymen júzege asty.
– Bizde turaqty damý maqsattaryn engizýge arnalǵan akselerator bar, sol alańda Platon óz ıdeıasyn usynyp, jobasyn damytty. Olar Býrabaıdaǵy Bólektaý baýraıynda ekosoqpaq ta ázirledi. Ekosoqpaqpen júrip ótkende Platonnyń kitaptaryndaǵy keıipkerlermen kezigýge bolady. Jas urpaqtyń ekologııaǵa mán berýi – óte qýanyshty jaǵdaı, – deıdi ol.
