Sýretti túsirgen – Erlan OMAR, «EQ»
Kásipkerdiń aıtýynsha, bezendirýden keıin Astananyń ár aýdanynan turǵyndar arnaıy kelip, dúkendi kórip, sýretke túsip, saýda jasap, jyly lebizderin bildirip jatqan kórinedi.
«Aınaladaǵy dúkenderdi qarasam, kóbisinde shyrsha qoıylyp, Jańa jylǵa daıyndyq qyzyp jatyr eken. Árıne, bul da jaqsy mereke. Biraq 16 jeltoqsan – bizdiń azattyq alǵan kúnimiz. Nege dál osy merekede de mekemelerdi jarqyratyp qoımasqa dep oıladym. Eń bastysy, osynaý aıtýly data eskerýsiz qalmasyn, balalar da, eresekter de dúkenge kirgende kók Týdy kórip, osy kúnniń mánin sezinse deımin. Búgin taǵy bir qýanysh – uldy boldym. Sondyqtan dál osy meıram maǵan óte ystyq. Bizdiń dúkendegi merekelik bezendirý azat kúnimizge degen kishkentaı alǵys qana», deıdi kásipker.
Temirhannyń ıdeıasyn iske asyrý ońaı bolmaǵan. Dúken ishin 7 kúnde bezendirip, jalpy 4000 dana shar men 1000-ǵa jýyq jalaý satyp alynǵan. Shamamen 2 mln teńge jumsalǵanymen, halyqtyń qoldaýy men artqan saýda shyǵyndy tolyq aqtaǵan. Bir qaraǵanda usaq-túıek bolyp kóringen detaldardyń bári birikkende, erekshe atmosfera syılaıdy. Dúken táýlik boıy, 24/7 rejiminde jumys isteıdi.
Jańa jyl jaqyndaǵan saıyn, ádemi shyrsha, túrli-tústi shamdar, syrtqy bezendirýler kóbeıetini ras. Al Táýelsizdik kúni kóbine resmı sharalar, saltanatty jıyndar aıasynda ǵana atap ótiledi. «Áziret» dúkeniniń osy bir bastamasy – ulttyq merekeni kúndelikti ómir keńistigine ákelýdiń, qarapaıym turmystyq ortada nasıhattaýdyń jarqyn mysaly.
