Foto: Ashyq derekkóz
Prokýratýranyń málimetinshe, sot kúdiktini qamaýǵa alýǵa sanksııa bergen. Al ózge aqparat jarııa etilmeıdi.
«Qostanaı oblysy boıynsha DKQB (DKNB) qyzmetkerleri qyzmettik ókilettikti asyra paıdalaný faktisi boıynsha tergeý júrgizý barysynda densaýlyq saqtaý basqarmasy basshysynyń orynbasary Dospanov E.-ni ustady», delingen oblystyq prokýratýra habarlamasynda.
35 jastaǵy Erbolat Dospanov ár jyldary Qostanaı qalalyq jedel medısınalyq járdem stansııasynda ekonomıst, atalǵan qala emhanasynda býhgalter, Qostanaı oblysy densaýlyq saqtaý basqarmasynda ártúrli laýazymdy qyzmetter atqarǵan.
2020 jyly ol oblystyq densaýlyq saqtaý basqarmasy basshysynyń orynbasary bolyp taǵaıyndalǵan. 2024 jyly Qostanaı oblystyq ftızıopýlmonologııa ortalyǵynda ekonomıka jáne ákimshilik-sharýashylyq jumysy jónindegi bas dárigerdiń orynbasary boldy. Keıin oblystyq ekonomıka jáne bıýdjettik josparlaý basqarmasy basshysynyń orynbasary laýazymyn atqardy. 2024 jyly qaıtadan Qostanaı oblysy densaýlyq saqtaý basqarmasy basshysynyń orynbasary qyzmetine oralǵan.
