foto: zakon.kz
Jeltoqsannyń 12-si kúni tańǵy saǵat 04:00 shamasynda Bórli aýdany patrýldik polısııa vzvodynyń qyzmetkerleri Bórli-Aqsaı avtojolynda Chevrolet Niva avtokóligin toqtatqan. Tekserý barysynda 43 jastaǵy Aqsaı qalasynyń turǵyny kólikti mas kúıinde aıdap kele jatqany belgili bolǵan. Teksere kelgende, ol budan buryn da mas kúıinde kólik júrgizgeni úshin kólik basqarý quqyǵynan aıyrylǵany anyqtaldy. Qazir júrgizýshi ýaqytsha ustaý ızolıatoryna qamaldy, onyń ústinen qylmystyq is qozǵaldy.
1-14 jeltoqsan aralyǵynda Batys Qazaqstan oblysynda ótip jatqan «Qaýipti júrgizýshi» jedel-profılaktıkalyq is-sharasynyń maqsaty – jol-kólik oqıǵalarynyń aldyn alý jáne jol qaýipsizdigin arttyrý.
Sharanyń alǵashqy 10 kúninde polısııa qyzmetkerleri 2 myńnan astam jol erejesin buzý faktilerin tirkepti. Olardyń ishinde 33 júrgizýshi kólikti mas kúıinde aıdaǵan, 15 kólik joldyń qarsy jolaǵyna shyqqan, 52 júrgizýshi kýáliginen aıyrylsa da kólik basqarǵan, al 40 kólik ruqsatsyz qaıta jabdyqtalǵan.
Batys Qazaqstan oblysy
