Qoǵam • 12 Jeltoqsan, 2025

«Semeı tazalyq» mekemesi sógis aldy

20 ret

kórsetildi

1 mın

oqý úshin

Semeı qalasynda turmystyq qaldyqtardy ýaqtyly shyǵarý máselesi ózekti bolyp otyr. Qala turǵyndary qoqystyń jınaqtalyp qalýyna, arnaıy konteınerlerdiń tolyp ketýine, keı aýdandarda birneshe kún qatarynan múlde tazalanbaıtynyna shaǵymdanyp otyr. Osyǵan baılanysty «Semeı tazalyq» mekemesiniń jumysy qoǵam tarapynan synǵa ushyrady, dep habarlaıdy Egemen.kz.

Baqytbek QADYR

Bul máselege qatysty shahar basshysy Ádilet Qojanbaev turǵyndardyń talap-tileginiń oryndy ekenin aıtty.

«Qala tazalyǵy boıynsha bul birinshi jınalys emes. Alaıda máseleler áli de bar. Merdiger uıymdardyń jumys sapasy syn kótermeıdi. Turǵyndardan kelip túsken shaǵymdar azaımaı otyr. Belgilengen talaptar tolyq oryndalmaı, qoqys ýaqytyly shyǵarylmaı, qala tazalyǵy tıisti deńgeıde saqtalmaı otyr», dedi ol.

Qala ákiminiń aıtýynsha, qalada sanıtarlyq jaǵdaıdy retteý úshin merdiger kompanııalardyń jaýapkershiligin kóterý, tehnıkalyq múmkindikterin arttyrý jáne baqylaý sharalaryn kúsheıtý qajet.

Aıta keteıik, oblys ákimi Berik Ýálı qala men aýdan ákimderine tazalyq máselesin erekshe baqylaýda ustap, naqty tapsyrmalar berilgen. Aımaq basshysy tazalyq júıesin jaqsartý jergilikti atqarýshy organdardyń búgingi basty mindetteriniń biri ekenin aıtqan. Endigi kezekte qoǵam tarapynan baqylaý kúsheıip, jaýapty mekemelerdiń jumysyna talap qatańdanbaq.

Abaı oblysy