Bıylǵy jańajyldyq bezendirý naýqany boıynsha rekord ıesi bireý ǵana, ol Almaty qalasy. Qazaqstannyń basqa óńirleri ondaǵan mıllıonmen eseptep otyrǵanda, ońtústik astana keminde 793,3 mıllıon teńge bólip, eldegi eń masshtabty merekelik jobany iske qosyp jatyr. Shahardyń shyǵyny respýblıkalyq kólemdegi mádenı is-sharalarmen para-par kórsetkish.
Qala alǵash ret barlyq segiz aýdanǵa tolyq qarjylandyrý bólip, bezendirý aýmaǵyn buryn-sońdy bolmaǵan kólemde keńeıtti. Almatyda 400-den asa arhıtektýralyq forma, 2230 shamdyq kronshteın, 2320-dan astam jaryqtandyrylǵan aǵash, 60-qa jýyq kópir men ótkel merekelik keıipke enedi.
Bıyl alǵash ret Saıran kóli, Gandı skveri, Family Park, "Atakent", Saýranbaev kóshesi jáne birqatar yqshamaýdan jańasha bezendirilip, qala shyn máninde merekelik megapolıske aınalmaq.
Almaty jyl saıynǵy dástúrli nysandardy da nazardan tys qaldyrmaıdy. Abaı alańy, Astana alańy, Panfılov kóshesi, Jibek Joly, "Almaty Arena" mańy bári tolyq jaryqtandyrylyp, bezendirilmek.
Merekelik kóńil kúıdi arttyrýǵa baǵyttalǵan qyrýar qarjyǵa qaramastan, ákimdik únemdeýdi de umytqan joq. Mysaly, 62 shaǵyn arhıtektýralyq forma, 4 shyrsha, 45 merekelik úıshik, 17 basqa dekorasııalar qalpyna keltirilip qaıta paıdalanylmaq. Al Arbattaǵy kásipkerler ózderinshe jarysyp, áshekeılerdi óz esebinen ilip jatyr. Demek, Almatydaǵy jańa jyldyq jaryq tek bıýdjetke emes, bıznestiń de belsendiligine senip otyr.
Alaıda bıyl elordalyqtar jergilikti bıýdjet qarjysyn únemdegen kórinedi. Mysaly, byltyr qysqy bezendirý jumystaryna shamamen 696,7 mıllıon teńge bólgen. Al osy jyly shyǵyndy ese qysqartsa da, keń kólemde jańa jylǵa daıyndalyp jatyr.
Astananyń ishki saıasat basqarmasy turǵyndarǵa arnalǵan kóptegen tegin oıyn-saýyq nysandaryn josparlaǵan. Muz aıdyndary, shaǵyn tóbeshikter, fotozonalardyń bári qoljetimdi bolady.
2024 jyly satyp alynǵan áshekeılerdi qaıta qoldanalyp, alty aýdanyna bólingen bıýdjet 365 mıllıon teńge bolyp otyr. Baıqońyr – 50 mıllıon, Saraıshyq – 50 mıllıon, Saryarqa – 50 mıllıon, Almaty – 50 mıllıon, Esil – 90 mıllıon jáne Nura aýdanyna 75 mıllıon teńge bólip bergen. Elorda úshin ádetten tys únemdi ári júıeli tásil. Bıýdjettik shyǵynnyń bir bóligi demeýshiler arqyly jabylady.
Al Shymkent qalasy bıyl jańa jyldyq sán-saltanatqa 100 mıllıon teńge bólýdi josparlap otyr. Byltyr bul kórsetkish 80 mıllıon teńge edi. Alaıda ákim Ǵabıt Syzdyqbekov burynǵy dekorasııalar qaıta qoldanylady, ár aýdan jáne ortalyq alań bezendiriletinin atap ótti.
Ákimniń aıtýynsha, ótken jyly qoldanylǵan barlyq materıaldar aýdandyq qoımalarda saqtalyp, bıyl qaıta paıdalanylmaq. Qalada bes aýdan jáne ortalyq alań bar, negizgi shyrsha sol ortalyq alańǵa ornatylady. Bıyl ákimniń bastamasymen alǵash ret tabıǵı shyrsha qoıý josparlanyp otyr.
Degenmen ol jalpy únemdeý saıasatynyń saqtalyp otyrǵanyn basa aıtty.
Al Shyǵys Qazaqstan oblysynda merekeden únemdemeýdi jón kórgen sııaqty. Bıyl munda merekege 140 mıllıon teńge jumsamaq. Bul somanyń jartysy qala bezendirýine, qalǵan jartysy merekelik baǵdarlama men is-sharalarǵa bólingen.
Mańǵystaý oblysy da bıyl merekeden qalys qalmaıdy. Merekelik bezendirý jumystaryn "New Level" JShS atqarady. Kompanııa jyl boıy bannerler, jalaýshalar, KAF ornatýmen aınalysyp keledi. 2026 jyldyń Jańa jylyna Aqtaýda bıiktigi 20 metr bolatyn eki jańa shyrsha, arka túrindegi KAF jáne fotozonalar qoıylady. Qalanyń kósheleri men aǵashtary jańa gırlıandalarmen bezendiriledi. Jumystar 17-24 jeltoqsanda bastalyp, 2026 jylǵy 15 qańtarda aıaqtalmaq. Merekelik bezendirýge shamamen 80 mln teńge bólinedi. Barlyǵy úshin 80 mıllıon teńge bólingen.
Jetisý oblysy (Taldyqorǵan) 2 qala men 8 aýdanǵa jańa jyldyq bezendirý men is-sharalarǵa 60 mıllıon teńge jumsaıdy. Burynǵy jyldardaǵy dekorasııalar da qoldanylady, sóıtip ákimdik bıýdjet shyǵynyn sál únemdep qalmaq eken.
Aqmola oblysynyń ortalyǵy Kókshetaýda bıyl 55,4 mıllıon teńgege bezendirilip qana qoımaı, 31 jeltoqsanda Qaırat Nurtastyń úlken konserti ótedi. Jańajyldyq kóńil kúı joǵary bolatyny sózsiz, biraq qarjylyq shyǵyn da az emes. Merekelik baǵdarlama alǵash ret "Jańa jaǵalaý" men "Kók Shalǵyn" alańdarynda ótedi. Abylaı han alańy men basqa qalalyq aýmaqtarda shyrshalar, jaryq kompozısııalar, muz músinderi men shaǵyn sáýlettik formalar ornatylady. Barlyq bezendirý qalanyń dızaın-kodyna sáıkes jasalyp, biryńǵaı vızýaldy stıl qamtamasyz etiledi. Qala ákimdigi bıznes ókilderin merekelik stılde nysandaryn bezendirýge shaqyrǵan.
Pavlodar oblysynda 2025 jylǵy Jańa jyl merekesin qarsy alý úshin 3 qala men 10 aýdanǵa 50,8 mıllıon teńge bólingen. Qarajat shyrshalar, jaryqtandyrý jáne shaǵyn sáýlet nysandaryn ornatýǵa, sondaı-aq qurylymdardy tasymaldaý men qyzmet kórsetýge baǵyttalady. Burynǵy jyldardaǵy merekelik jabdyqtar jaramdy jaǵdaıda qaıta paıdalanylatyn bolady.
Sonymen qatar Jambyl oblysynda jalpy oblysta merekelik jańa jyldyq bezendirý jumystary negizinen demeýshiler tarapynan júrgiziledi. Jańa jyldyq merekelik is-sharalarǵa jáne shyrshany bezendirý jumystaryna Y.Dúkenuly atyndaǵy qalalyq Mádenıet úıiniń bıýdjeti arqyly qarjylandyrylady. Bólingen qarajattyń jalpy kólemi 36,9 mıllıon teńge.
Atyraý oblysynyń ákimdigi Jańa jyl merekesin qarsy alýǵa arnalǵan qarjyny resmı túrde bekitti. Qala boıynsha merekelik is-sharalardy uıymdastyrý mindeti Qurmanǵazy atyndaǵy mádenıet saraıyna júktelgen. Bekitilgen bıýdjetke sáıkes bıiktigi 18 metr bolatyn bes jańajyldyq shyrshany ornatý jáne keıin demontajdaý úshin 25 mıllıon teńge bólingen. Al Isataı-Mahambet alańynda ótkiziletin merekelik konserttik baǵdarlamaǵa 9,4 mıllıon teńge qarastyrylǵan.
Osylaısha, jalpy Atyraý qalasy 34,4 mıllıon teńgege shyǵyndalmaq.
Almaty oblysynyń ortalyǵy Qonaev qalasy 28 mıllıon teńgege ortalyq saıabaq pen negizgi kóshelerdi bezendiredi. Sonymen qatar "Úzdik jańa jyldyq bezendirý" baıqaýy uıymdastyrylady.
Ulytaý oblysy bıyl 22 mıllıon teńgemen merekeni qarsy alady. Ortalyq alań men qala kósheleri shamdarmen bezendiriledi.
Al Batys Qazaqstan oblysynda ákim Narıman Tóreǵalıev bıyl jańa jyldyq shyǵyndarǵa tek 11 mıllıon teńge bólinetinin jetkizdi. Aıtýynsha, óńirde birneshe jyldan beri bir shyrshany paıdalanyp, ony jyl saıyn árlep, kelesi maýsymǵa deıin saqtaıdy.
Qazaqstannyń birqatar oblysynda jańa jylǵa bir tıyn da bólinbeıdi. Degenmen, kóshelerdiń qarańǵy qalmaıtyny anyq. Burynǵy oıynshyqtar, demeýshiler, ákimdiktiń qoldabar múmkindikteri iske qosylady.
Bıýdjetten bir teńge bólmeıtin óńirler:
- Abaı oblysy (Semeı)
- Aqtóbe oblysy
- Qyzylorda oblysy
- Túrkistan oblysy
- Qostanaı oblysy
Bul óńirler ótken jyldardaǵy dekorasııalardy paıdalanyp, artyq shyǵynnan bas tartqan. Qaraǵandy jáne Soltústik Qazaqstan oblysynda jańa jyldyq bezendirýge jeke bıýdjet qarastyrylmaǵan. Bári úshjyldyq jospar aıasynda, burynǵy elementterdi paıdalaný arqyly jasalady.
Osylaısha, jalpy, Qazaqstan boıynsha jańa jyldyq bezendirýge 1 776,8 mıllıon teńge jumsalady.
