Úkimet basshysy damyǵan memleketterde koýchıng qyzmeti kásibı standarttar júıesi arqyly retteletinin, qaýymdastyqtar atqaratyn ózin-ózi retteıtin kásibı júıege súıenetinin basa aıtty.
«ICF halyqaralyq koýchıng federasııasymen birge Koýchıng qyzmeti (koých) kásibı standarty ázirlendi. Qazirgi tańda ol Ǵylym jáne joǵary bilim mınıstrliginde bekitilý satysynda. Kásiptik standart 9 qyzmetti qamtıdy: bıznes-koých, mansaptyq koých, laıf-koých, komandalyq koých, kóshbasshylyq koých, densaýlyq jáne saýyqtyrý koýchi, kásipkerlerge arnalǵan koých, bilim berý koýchi, sporttyq daıyndyq koýchi. Kásiptik standarttyń negizinde Ulttyq biliktilik júıesiniń sıfrlyq platformasynda (career.enbek.kz) sertıfıkattalǵan koých-jattyqtyrýshylar tizilimi jasaqtalady», delingen jaýapta.
Oljas Bektenovtiń aıtýynsha, koýchtardy oqytýdy, sertıfıkattaýdy jáne tizilimge engizýdi ICF halyqaralyq koýchıng federasııasy júrgizetin bolady.
«Tutynýshylar quqyqtarynyń qorǵalýyn kúsheıtý jáne koýchtar tarapynan adal minez-qulyqty qamtamasyz etý maqsatynda «Tutynýshylardyń quqyqtaryn qorǵaý týraly» Zańǵa túzetýler ázirlendi.Onda koýchtardyń óziniń kásibı biliktiligin taný týraly sertıfıkatqa ıe bolýyn, ony tutynýshyǵa tanystyrýdy mindetteıtin, sondaı-aq tutynýshyǵa ózi kórsetetin qyzmetke qatysty jańylystyratyn aqparatty, sondaı-aq jalǵan jarnamany taratýǵa tyıym salatyn normalar engizildi. Alaıaqtyq quramy bolǵan jaǵdaıda mundaı faktiler Qylmystyq kodeksiniń 190-babyna sáıkes jikteledi», dedi Premer-mınıstr.
