Jańa óndiris oryndarynyń qyzmetimen oblys ákimi Marat Sultanǵazıev, salalyq vedomstvolardyń basshylary jáne bıznes-qoǵamdastyq ókilderi tanysty.
Memlekettik organdar men jeke sektor arasyndaǵy tıimdi áriptestik nátıjesinde el basshylyǵy qoıǵan jazasyn óteýshilerdi qaıta áleýmettendirýdiń tıimdiligin arttyrý jáne QAJ mekemelerindegi óndiristik áleýetti damytý jónindegi tapsyrmalar kezeń-kezeńimen oryndalyp keledi.
О́ńirde jazasyn óteýshilerdi jumyspen qamtý deńgeıi 41 paıyzdan 65 paıyzǵa deıin artty. Bul nátıjege kásipkerlermen birlesip iske asyrylǵan oqytý baǵdarlamalary men óndiristik jobalardyń qosqan úlesi zor. Atap aıtqanda, «Atameken» kásipkerler palatasy uıymdastyrǵan tegin kýrstar aıasynda 250 adam sertıfıkat alyp, olardyń 78-i turaqty jumysqa ornalasty.
О́ńir basshysy Marat Sultanǵazıev QAJ mekemelerindegi óndiristik ınfraqurylymdy damytý memlekettik saıasattyń basym baǵyttarynyń biri ekenin atap ótti.
«Bul kásiporyndardyń iske qosylýy Qazaqstan Prezıdenti Qasym-Jomart Toqaevtyń tapsyrmalaryn naqty iske asyrýdyń aıqyn kórinisi. Eńbek — jazasyn óteýshilerdi qoǵamǵa qaıta beıimdeýdiń eń tıimdi tetikteriniń biri. Osyndaı jobalar arqyly biz olarǵa jańa múmkindik usynyp, bolashaqqa degen jaýapkershilikti qalyptastyramyz», dedi oblys ákimi.
Qarasha aıynyń qorytyndysy boıynsha QAJ júıesine qarasty №10, 12, 14 jáne 57 mekemelerinde jalpy sany 251 jańa jumys orny quryldy. Qazirgi ýaqytta óńirde óndiristik sektordy keńeıtý jáne jańa jobalardy iske qosý jumystary jalǵasyp jatyr.
Almaty oblysy.
