Sýretti túsirgen – Erlan OMAR, «EQ»
Bul – ótken jyldyń osy kezeńimen salystyrǵanda 7,3%-ǵa joǵary kórsetkish. Demek, halyqtyń suranysy artyp, bıznestiń bereri kóbeıgen. Sáıkesinshe, qarjy aınalymy burynǵydan jaqsarǵan.
Bir jylda azyq-túlik satylymy 7,9%-ǵa ósken. Bul halyqtyń tamaqqa degen shyǵyny artqanyn bildiredi. Al kıim men turmystyq zattardyń satylymy 7%-ǵa kóbeıgen.
Saýdany qyzdyryp jatqandar sheteldik alpaýyttar emes, óz kásipkerlerimiz. Jyl basynan beri jekemenshik dúkender men kompanııalar 20,6 trln teńgeniń taýaryn satqan. Bul – barlyq bólshek saýdanyń 90,1%-y. Iаǵnı eldegi aqsha aınalymynyń basym bóligi óz azamattarymyzdyń qolynda degen sóz. Sheteldik kompanııalardyń úlesi – nebári 9,9%.
Saýda-sattyq halqy tyǵyz ornalasqan aımaqtarda jaqsy damyǵan. Mysaly, turǵyny kóp Almatyda eldegi barlyq bólshek saýdanyń 33,6%-y jasalady. Astananyń úlesi – 14,2%. Qaraǵandy men Shyǵys Qazaqstan da aldyńǵy qatarda. Bul óńirlerde halyqtyń tabysy joǵaryraq, jumys ta kóp, sondyqtan saýda-sattyq ta jaqsy júredi.
Bólshek saýda kóleminiń artýy halyqtyń tutyný qabiletiniń birtindep qalpyna kele bastaǵanyn kórsetedi. Bul jerde tek aqshanyń kóptigi emes, naryqtyń turaqtylyǵy mańyzdy. Tutynýshy erteńgi kúnin oılaı otyryp ta saýda jasaı alady. Sondyqtan saýda ósimin ishki naryqtyń jandanýynan bólek, jalpy ekonomıkalyq ahýaldyń ońalýymen baılanystyrýǵa bolady.
