Jıynǵa Dnsaýlyq saqtaý mınıstri Aqmaral Álnazarova, Ulttyq ekonomıka vıse-mınıstri Asan Darbaev, О́nerkásip jáne qurylys vıse-mınıstri Qýandyq Qajkenov, sondaı-aq óńir ákimderi men ákim orynbasarlary onlaın rejımde qatysty.
Kezdesýdiń negizgi taqyryby – medısınalyq-sanıtarııalyq alǵashqy kómek nysandaryn salý, ortalyq aýdandyq aýrýhanalardy jańǵyrtý jáne olardy bilikti mamandarmen qamtamasyz etý baǵyttaryn qamtıtyn «Aýylda densaýlyq saqtaýdy jańǵyrtý» ulttyq jobasyn júzege asyrý. Qazirgi ýaqytta jobadaǵy 655 nysannyń 645-iniń qurylysy aıaqtaldy, bul jospardyń 98%-yn quraıdy. Onyń ishinde 226 nysan buryn medısınalyq ınfraqurylym bolmaǵan aýyldarda salynǵan, al 419-y eskirgen ǵımarattardyń ornyna turǵyzyldy. Sonymen qatar joba aıasynda qalǵan 10 MSAK nysany jyl sońyna deıin paıdalanýǵa beriledi. Aıda Balaeva oblys ákimdikterine qurylys-montaj jumystaryn, jobalyq jumystardy der kezinde aıaqtap, ákimshilik kedergilerdi joıýdy tapsyrdy.
– Barlyq baǵyt boıynsha qatań ári júıeli baqylaý qajet. Ár oblys boıynsha bekitilgen kestelerge sáıkes, buljytpaı oryndalyp, barlyq kezeńinde qadaǵalaý jáne mindettemelerdiń tolyq oryndalýyn qamtamasyz etý mańyzdy. 2025 jyldyń qorytyndysy boıynsha baǵdarlama nátıjesine qatysty naqty ári tolyq aqparat berilýi tıis. 2026 jyl – jaýapty kezeń, sondyqtan formaldy esep emes, naqty nátıjeler men jergilikti jerdegi rastalǵan baqylaý qajet, - dedi Premer-mınıstrdiń orynbasary.
Sonymen qatar jobanyń ekinshi baǵyty – ınsýlt ortalyǵy, TKA ortalyǵy, perınataldyq ortalyq, travmatologııa, hırýrgııa jáne medısınalyq ońaltý bólimsheleri bar jańǵyrtylǵan 32 ortalyq aýdandyq aýrýhanany paıdalanýǵa berý máselesi qaraldy. Baıandamaǵa sáıkes, 14 nysanda jumystar aıaqtalǵan, taǵy 24 aýrýhana qaıta jańartý nemese kúrdeli jóndeý kezeńinde tur.
Talqylaýda aýyldyq jerlerdegi densaýlyq saqtaý nysandaryn medısınalyq kadrlarmen qamtamasyz etý mańyzdy máselelerdiń biri boldy. Ulttyq joba aıasynda 1100 medısına qyzmetkerin daıarlaý qarastyrylǵan.
– Infraqurylym salý – mańyzdy qadam, alaıda sheshýshi faktor – kadr máselesi. Nysandardyń tıimdi ári sapaly jumysy tikeleı medısınalyq mamandardyń daıarlyǵy men olardyń qoljetimdiligine baılanysty. Búginde mamandar tapshylyǵy aýyldyq jerde ǵana emes, iri qalalarda da baıqalady. Medısına nysandaryn paıdalanýǵa berý personaldy tolyqtyrýdyń naqty algorıtmimen jáne kórsetiletin qyzmettiń kólemi men sapasyn naqty túsinýmen qatar júrýi tıis. Keıingi jyldardaǵy ekonomıkalyq qıyndyqtarǵa qaramastan, Qazaqstan densaýlyq saqtaý júıesin damytýǵa aýqymdy ınvestısııa salyp jatyr. Bul jobalardyń nátıjesi barlyq syn-pikirge berilgen naqty jaýap. Sondyqtan nysandardy salýmen ǵana shektelmeı, olardyń qansha adamdy qamtıtynyn, qandaı naqty paıda ákeletinin halyqqa jetkizý mańyzdy. Azamattardyń densaýlyǵy – eldiń adamı kapıtaly men strategııalyq áleýeti, memleket qabyldap jatqan sharalardyń barlyǵy osyǵan baǵyttalǵan, - dep atap ótti Aıda Balaeva.
Jıyndy qorytyndylaı kele, Premer-mınıstrdiń orynbasary birqatar tapsyrma berdi. Atap aıtqanda,
- Jyl sońyna deıin jumysty aıaqtaýy tıis óńirler boıynsha qosymsha tekserý júrgizip, naqty baqylaý nátıjeleri týraly esep usynýdy;
- Bekitilgen jumys kestelerin qatań saqtap, ár oblys boıynsha egjeı-tegjeıli jospar-grafıkterdi ázirlep, olardyń oryndalýyn turaqty baqylaýdy;
- Birinshi, ekinshi jáne úshinshi baǵyt boıynsha tolyq ári ýaqtyly jumys júrgizý, jyl sońyna deıin alynǵan mindettemelerdiń oryndalýyn qamtamasyz etý, ár jaǵdaı boıynsha mindetti túrde aqparat berýdi;
- 2025 jyldyń qorytyndysy boıynsha baǵdarlama nátıjeleri jóninde óńirler boıynsha naqty ári tolyq aqparat usynýdy tapsyrdy.
